«Nur Otan» baspasóz qyzmetiniń aqparatyna sáikes, partiia Lideri Nursultan Nazarbaevtyń halyqpen ózara is-qimyldyń belsendi formatyna kóshý jáne el Prezidenti Qasym-Jomart Toqaevtyń bastamasymen qolǵa alynǵan «Halyq únine qulaq asatyn memleket» tujyrymdamasyn júzege asyrý jónindegi tapsyrmalary aiasynda jyl basynan beri azamattardyń ótinishteri negizinde 2 myńnan astam túrli reid uiymdastyryldy.
Jańa oqý jyly qarsańynda nurotandyqtar Kókshetaý qalasydaǵy №13 gimnaziianyń tóńiregin tekserdi. Oqýshylardyń ata-analary jol infraqurylymy men kóshe shamdarynyń joqtyǵyna shaǵymdanǵan. Olardyń aitýynsha, ásirese, qysta mektepke jetý qiyn.
Óz kezeginde «Nur Otan» partiiasy Qyzylorda oblystyq filialynyń partiialyq baqylaý komissiiasy Mahambet aýylyndaǵy orta mektep jańa ǵimaratynyń qurylysyn tekserdi. Munda buǵan deiin balalar úsh aýysymda oqýǵa májbúr boldy. Azamattar partiiaǵa ótinish bildirgennen keiin 200 oryndyq úsh qabatty qosymsha ǵimarat salý úshin jergilikti biýdjetten 380 mln teńgeden astam qarajat bólindi. Búginde jumystar 80%-ǵa aiaqtaldy. Nysandy qyrkúiek aiynyń sońyna deiin paidalanýǵa berý josparlanyp otyr.
Osyǵan uqsas tekserý jumystaryn Taraz qalasyndaǵy nurotandyqtar da júrgizdi. «Shalǵai Qarasý» aýdanynda 600 oryndyq mektep salynýda. Qurylysty jyl sońyna deiin aiaqtaý josparlanyp otyr jáne ol partiianyń erekshe baqylaýynda bolady.
Almatyda «Nur Otan» partiiasynyń ókilderi Alǵabas shaǵyn aýdany turǵyndarynyń jol-kólik oqiǵalarynyń jiilep ketýine jáne №164 balabaqshaǵa jaqyn jerde jyldamdyq rejimin saqtamaý faktilerine qatysty shaǵymdaryn tekserdi. Nurotandyqtardyń jedel aralasýynan keiin jol ótkelderine «Balalar» jáne «Jyldamdyqty shekteý 40» jol belgileri ornatyldy. Turǵyndardyń ótinishterine ýaqytyly jaýap bermegeni úshin Partiialyq baqylaý komissiiasy Almaty qalasy Alataý aýdany ákiminiń orynbasary Ádilet Toqtasynovqa «eskertý» túrindegi partiialyq jaza qoldanýdy usyndy.
150 adam partiialyq jaýapkershilikke tartylsa, olardyń qatarynda birqatar vitse-ministrler, óńir ákimderiniń orynbasarlary, máslihattardaǵy fraktsiialar basshylary jáne t.b. bar. Olardyń ishinde túrli zań buzýshylyqtarǵa jol bergeni úshin 46 adam partiiadan shyǵaryldy.
