«Nur Otan» باسپا ءسوز قىزمەتىنىڭ اقپاراتىنا سايكەس، پارتيا ليدەرى نۇرسۇلتان نازاربايەۆتىڭ حالىقپەن ءوزارا ءىس-قيمىلدىڭ بەلسەندى فورماتىنا كوشۋ جانە ەل پرەزيدەنتى قاسىم-جومارت توقايەۆتىڭ باستاماسىمەن قولعا الىنعان «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ جونىندەگى تاپسىرمالارى اياسىندا جىل باسىنان بەرى ازاماتتاردىڭ وتىنىشتەرى نەگىزىندە 2 مىڭنان استام ءتۇرلى رەيد ۇيىمداستىرىلدى.
جاڭا وقۋ جىلى قارساڭىندا نۇروتاندىقتار كوكشەتاۋ قالاسىداعى №13 گيمنازيانىڭ توڭىرەگىن تەكسەردى. وقۋشىلاردىڭ اتا-انالارى جول ينفراقۇرىلىمى مەن كوشە شامدارىنىڭ جوقتىعىنا شاعىمدانعان. ولاردىڭ ايتۋىنشا، اسىرەسە، قىستا مەكتەپكە جەتۋ قيىن.
پارتيانىڭ ارالاسۋىنان كەيىن اكىمدىك مەكتەپكە باراتىن جولدى جوندەۋگە جانە 30 قىركۇيەككە دەيىن جارىق ورناتۋعا ۋادە بەردى. تۇرعىنداردىڭ وتىنىشتەرىنە ۋاقىتىلى جاۋاپ بەرمەگەنى ءۇشىن پارتيا مۇشەلەرى كوكشەتاۋ قالاسى اكىمىنىڭ ورىنباسارى باۋىرجان ەرنازاروۆقا «ەسكەرتۋ» تۇرىندەگى جازا قولدانۋدى ۇسىندى.
ءوز كەزەگىندە «Nur Otan» پارتياسى قىزىلوردا وبلىستىق فيليالىنىڭ پارتيالىق باقىلاۋ كوميسسياسى ماحامبەت اۋىلىنداعى ورتا مەكتەپ جاڭا عيماراتىنىڭ قۇرىلىسىن تەكسەردى. مۇندا بۇعان دەيىن بالالار ءۇش اۋىسىمدا وقۋعا ءماجبۇر بولدى. ازاماتتار پارتياعا ءوتىنىش بىلدىرگەننەن كەيىن 200 ورىندىق ءۇش قاباتتى قوسىمشا عيمارات سالۋ ءۇشىن جەرگىلىكتى بيۋدجەتتەن 380 ملن تەڭگەدەن استام قاراجات ءبولىندى. بۇگىندە جۇمىستار 80%-عا اياقتالدى. نىساندى قىركۇيەك ايىنىڭ سوڭىنا دەيىن پايدالانۋعا بەرۋ جوسپارلانىپ وتىر.
وسىعان ۇقساس تەكسەرۋ جۇمىستارىن تاراز قالاسىنداعى نۇروتاندىقتار دا جۇرگىزدى. «شالعاي قاراسۋ» اۋدانىندا 600 ورىندىق مەكتەپ سالىنۋدا. قۇرىلىستى جىل سوڭىنا دەيىن اياقتاۋ جوسپارلانىپ وتىر جانە ول پارتيانىڭ ەرەكشە باقىلاۋىندا بولادى.
الماتىدا «Nur Otan» پارتياسىنىڭ وكىلدەرى العاباس شاعىن اۋدانى تۇرعىندارىنىڭ جول-كولىك وقيعالارىنىڭ جيىلەپ كەتۋىنە جانە №164 بالاباقشاعا جاقىن جەردە جىلدامدىق رەجيمىن ساقتاماۋ فاكتىلەرىنە قاتىستى شاعىمدارىن تەكسەردى. نۇروتاندىقتاردىڭ جەدەل ارالاسۋىنان كەيىن جول وتكەلدەرىنە «بالالار» جانە «جىلدامدىقتى شەكتەۋ 40» جول بەلگىلەرى ورناتىلدى. تۇرعىنداردىڭ وتىنىشتەرىنە ۋاقىتىلى جاۋاپ بەرمەگەنى ءۇشىن پارتيالىق باقىلاۋ كوميسسياسى الماتى قالاسى الاتاۋ اۋدانى اكىمىنىڭ ورىنباسارى ادىلەت توقتاسىنوۆقا «ەسكەرتۋ» تۇرىندەگى پارتيالىق جازا قولدانۋدى ۇسىندى.
پارتيانىڭ باسپا ءسوز قىزمەتى اتاپ وتكەندەي، ءبىرىنشى جارتىجىلدىقتا پارتيالىق باقىلاۋ كوميتەتى مەن كوميسسيالارى جەكە جانە زاڭدى تۇلعالاردىڭ 716 ءوتىنىشىن قاراعان. ورتالىق جانە جەرگىلىكتى اتقارۋشى ورگاندارعا 4 مىڭنان استام ۇسىنىس بەرىلدى.
150 ادام پارتيالىق جاۋاپكەرشىلىككە تارتىلسا، ولاردىڭ قاتارىندا ءبىرقاتار ۆيسە-مينيسترلەر، ءوڭىر اكىمدەرىنىڭ ورىنباسارلارى، ءماسليحاتتارداعى فراكسيالار باسشىلارى جانە ت.ب. بار. ولاردىڭ ىشىندە ءتۇرلى زاڭ بۇزۋشىلىقتارعا جول بەرگەنى ءۇشىن 46 ادام پارتيادان شىعارىلدى.
