«Nur Otan» sailaýaldy baǵdarlamasynda osy jyly 200 jańa mektep salý jáne jumys istep turǵan 1000 mektepti jańǵyrtý qarastyrylǵan. Alaida, Partiialyq baqylaý komiteti músheleriniń pikirinshe, respýblikalyq jáne óńirlik jol kartalarynyń keibir taraýlary oryndalmai qalýy múmkin.
– Bul jerde bir ǵana Bilim jáne ǵylym ministrliginiń jumysy jetkiliksiz. Ákimdikter de belsendilik tanytýy tiis. Qazir jergilikti atqarýshy organdar tarapynan biyl bólingen biýdjet qarajatyn igerýdiń qarqyny tómen ekeni baiqalady, – dedi vitse-ministr Bibigúl Asylova.
Partiianyń sailaýaldy ýádelerinde belgilengen taǵy bir mańyzdy mindet – Densaýlyq saqtaý nysandaryn salý jáne jóndeý.
Partiialyq baqylaý komiteti jumys tobynyń qorytyndysyna sáikes, qazirgi ýaqytta barlyq óńirlerde bilim berý jáne densaýlyq saqtaý nysandaryn salýǵa, kúrdeli jóndeýge jáne jańǵyrtýǵa bólinetin qarajatty maqsatsyz paidalaný máseleleri bar.
Osy rette salynyp jáne jóndelip jatqan bilim berý men densaýlyq saqtaý nysandaryn sapasyz josparlaý jáne jobalaý, qurylys sapasyn tiimdi baqylaýdyń bolmaýy, smetalyq qunyn negizsiz kóterý, oryndalmaǵan jumys kólemi úshin aqy tóleý, balalardy apattyq jaǵdaidaǵy ǵimarattarda oqytý syndy faktiler atap ótildi.
Otyrys qorytyndysy boiynsha Partiialyq baqylaý komiteti Bilim jáne Densaýlyq saqtaý ministrlikterine 1 jeltoqsanǵa deiin ár óńirdegi barlyq bilim berý jáne densaýlyq saqtaý mekemelerine tolyq tekserý júrgizýdi, qurylysty qarjylandyrý ádistemesin qaita qaraýdy jáne MJÁ sheńberinde salynyp jatqan nysandar úshin memlekettik úlgi standarttar men jobalardy bekitýdi mindettedi.
Sonymen qatar, Bilim jáne ǵylym ministrligine 15 qarashaǵa deiin anyqtalǵan máselelerdi kórsete otyryp, internattardyń monitoring nátijelerin taldaý jáne ákimdikterge jiberý, osy problemalardy sheshýdiń naqty merzimderi men joldaryn qamtityn 2021-2025 jyldarǵa arnalǵan internat mekemelerin salý men jóndeýdiń egjei-tegjeili josparyn ázirleý usynyldy.
– Partiianyń óńirlik filaldary áleýmettik nysandardy salý jáne jóndeý boiynsha jobalardyń iske asyrylýyna muqiiat taldaý júrgizýi kerek. Túrli jónsizdik faktileri anyqtalǵan jaǵdaida, kináli jaýapty tulǵalarǵa – partiia múshelerine partiialyq jazalaý sharalaryn qoldaný qajet, – dep túiindedi komitet tóraǵasy Artýr Platonov.
Partiia baspasóz qyzmetiniń málimetinshe, biýdjet qarajatyn tiimsiz jumsaý faktilerine jol bergeni úshin «sógis» túrindegi partiialyq jazalaý sharasyna Almaty oblysy densaýlyq saqtaý basqarmasynyń basshysy Ómirzaq Niiazbekov, Qyzylorda oblysy bilim basqarmasynyń basshysy Aqzira Qasymova jáne densaýlyq saqtaý basqarmasynyń basshysy Sábit Pazylov, al «eskertý» túrindegi jazaǵa Qostanai oblysy bilim basqarmasynyń basshysy Záýre Báimenova jáne Qostanai aýdanynyń ákimi Jansultan Táýkenov tartylady.
Partiialyq baqylaý komiteti suratqan resmi aqparatty ýaqytynda usynbaǵany úshin Pavlodar oblysy ákimi apparatynyń basshysy Nurlan Dúisembinovke jáne Aqtóbe oblysy ákimi apparatynyń basshysy Qairat Raiymqulovqa «eskertý» beriledi.
