Máselen, Shyǵys Qazaqstan oblysynda partiia ókilderi Besqaraǵai aýdanyna qarasty Dólen aýyly turǵyndarynyń ortalyq sýmen jabdyqtaý júieleri qurylysynyń uzaqqa sozylýyna qatysty shaǵymyna qulaq asty. Oblystyq filialdyń aqparatyna sáikes, bul másele erekshe partiialyq baqylaýǵa alynǵan. Nátijesinde, búginde barlyq qurylys jumystary aiaqtalyp, úilerge sý kirgizý jumysy júrgizilýde.
Almaty oblysynda partiialyq baqylaý komissiiasy mektep mańynda jol infraqurylymynyń joqtyǵyna shaǵymdanǵan Qosózen aýyly turǵyndarynyń aryzy boiynsha tekserý júrgizdi. Partiiaǵa júgingennen keiin jaiaý júrginshiler ótkeline tez arada jol bógeti qoiylyp, trotýar salyndy jáne mektepke irgeles jatqan jolǵa jaryq ornatyldy. Sondai-aq oqýshylardy tasymaldaý úshin 2 avtobýs bólý týraly sheshim qabyldandy.
Túrkistan oblysyna qarasty Qazyǵurt aýylyndaǵy balabaqsha qyzmetkerleri atqarǵan jumystary úshin únemi aqy tólemeitinine shaǵymdandy. Partiianyń aralasýynan keiin aýdandyq bilim bólimi 9 mln 451 myń teńge kóleminde qalǵan jalaqy somasyn aýdaryp, mekeme basshylyǵyna tiisti tártiptik jaza sharalaryn qoldandy.
Partiianyń baspasóz qyzmeti atap ótkendei, jyl basynan beri túsken azamattardyń ótinishterin taldaý boiynsha, Partiialyq baqylaý komiteti men óńirlerdegi komissiialar ortalyq jáne jergilikti atqarýshy organdarǵa 6 myńnan astam usynys joldady. 210 adam partiialyq jaýapkershilikke tartylsa, olardyń arasynda birqatar vitse-ministrler, óńir ákimderiniń orynbasarlary, máslihattardaǵy fraktsiia basshylary jáne t.b. bar. Olardyń ishinde túrli olqylyqtarǵa jol bergeni úshin 56 adam partiiadan shyǵaryldy.
