Memleket basshysy Qasym-Jomart Toqaev jarıa etken «Ózgerister joly: Ár azamatqa laıyqty ómir!» saılaýaldy baǵdarlama aıasynda óńirlerde 11,6 mln sharshy metr turǵyn úı, 59 myń oryndyq 165 mektep, 28,5 myń oryndyq 354 balabaqsha, sondaı-aq 6,7 myń adam qabyldaıtyn 44 medısınalyq nysan paıdalanýǵa berildi. 248 kásiporyn ashylyp, 1 trıllıon teńgeden astam ınvestısıa salyndy. 315 myń adam turaqty jumys oryndaryna ornalastyryldy.
Máselen, Mańǵystaý oblysynyń Qyzylsaı aýylynda zamanaýı medısınalyq qural-jabdyqtarmen jabdyqtalǵan dárigerlik ambýlatorıa ashyldy. Endi emdelýshiler últradybystyq, rentgen, stomatologıa jáne zerthana qyzmetterin paıdalana alady. Barlyǵy 40-tan astam arnaıy kabınet jumys isteıdi.
Túrkistan oblysynda oblystyq mańyzy bar «Kóksaek-Aqsý-SHaıan-Myńbulaq» avtomobıl joly paıdalanýǵa berildi. Munda 14,8 km jol jóndelip, qaıta salynsa, al 7,7 km jolǵa asfált-beton jabyny tóseldi. Eldi mekenderdiń ishinde jaıaý júrginshilerdiń qaýipsizdigin qamtamasyz etý úshin jalpy 10 km trotýar tóseldi.
Shyǵys Qazaqstan oblysynyń Kýrchatov qalasynda tenıs korty men basketbol alańynyń aýmaǵyn abattandyrý jumystar júrgizildi. Saılaý naýqany kezinde jastardan kóptegen usynystar kelip túskenin eskere otyryp, atalǵan másele partıanyń qalalyq saılaýaldy baǵdarlamasyna arnaıy tarmaq retinde engizilgen edi.
Almaty oblysynyń Baqanas aýylynda jańa dene shynyqtyrý-saýyqtyrý kesheni ashyldy. Jalpy aýdany 4 myń sharshy metrden asatyn ǵımaratta kúres, boks, fýtbol, basketbol, voleıbol, tenıs sıaqty sport túrlerimen aınalysýǵa jaǵdaı jasalǵan. Nysan barlyq qajetti sporttyq kerek-jaraqtarmen tolyqtaı jabdyqtalǵan.
Eske sala keteıik, «Nur Otan» partıasynyń saılaýaldy ýádeleri aıasynda 2025 jylǵa deıin 1 mln otbasy úshin 100 mln sharshy metrden astam turǵyn úı paıdalanýǵa berilip, 3,5 myń aýyl men 5 myń mektep jańǵyrtylady. 25 myń shaqyrym respýblıkalyq jáne 27 myń shaqyrym jergilikti joldar salý jáne qaıta jańartý kózdelip otyr.
Áleýmettik tólemderdi jyl saıyn ındeksteýge 3 trıllıon teńgeden astam qarajat bólinedi. Densaýlyq saqtaýdy qarjylandyrý kólemi İJÓ-niń 5%-yna deıin jetkiziledi. 3 jastan 6 jasqa deıingi balalar 100%mektepke deıingi tárbıemen qamtylady.
Tolyǵyraq nurotan.kz saıtynda tanysýǵa bolady.
