Marqum Saltanat Núkenovanyń aǵasy Aitbek Amangeldi Bishimbaev túsirgen video týraly oiyn ashyp aitty, - dep habarlaidy Dalanews.kz.
Bul týraly ol áleýmettik jelidegi paraqshasynda aitty.
"Saltanat nege ketip qalmaǵan jáne ketip, qaitadan nege oralǵan?" degen sekildi suraqtar kóp qoiyldy. Bul men úshin de úlken suraq. Onyń jaýabyn qylmys bolǵannan keiin aldym. Iaǵni Bishimbaev túsirgen videodan keiin bildik. Bul týraly aitqymyz kelmegen, sebebi bul bizdiń jaqyndarymyz úshin aýyr. Sondyqtan video týraly qoǵam bilmese dedik. Sebebi áldeqandai ádep normasy bar. Meniń mindetim - bárin búge-shúgesine deiin aityp, bireýdi qaralaý emes, otbasymdy oilaý jáne olarǵa qamqorlyq tanytý boldy", - deidi Aitbek Amangeldi.
Posmotret etý pýblikatsiiý v Instagram
Eske salaiyq, buǵan deiin prokýror Bishimbaev Saltanatty kepildik úshin jalańash videoǵa túsirgenin aitqan bolatyn. Búgin Astanada eks-ministr Qýandyq Bishimbaevqa qatysty alǵashqy sot otyrysy ótti. Prokýror sot otyrysy barysynda mańyzdy derekterdi aitty.
Onyń sózinshe, qazir aiyptalyp otyrǵan burynǵy sheneýnik tipti jubaiyn jalańash kúide videoǵa túsirgen.
"Ol Núkenova jalańash kórinetin video túsirip, bul oǵan kepil bolatynyn aitty. Óz kezeginde Núkenova úreilenip, Bishimbaevtyń is-áreketinen qorqyp, óz erkine qarsy osy talapty oryndap, ózin májbúrli túrde kiimsiz videoǵa túsirýge ruqsat etti", - dedi prokýror.
