Sot barysynda prokýror Aıtbek Amangeldiden Saltanat Núkenova Qýandyq Bıshimbaevtan neshe ret ketýge bel baılaǵany týraly da surady, - dep habarlaıdy Dalanews.kz.

"2023 jyly bul jaǵdaı shamamen 8 ret qaıtalandy. Tipti budan da kóp bolýy múmkin", - dep jaýap berdi ol.

Eske salaıyq, búgin Qýandyq Bıshimbaevqa qatysty sot otyrysy alqabılerdiń qatysýymen ótip jatyr. Munda barlyǵy 12 alqabı bar, onyń 10-y negizgi, ekeýi zapasta. Olar 300 úmitkerdiń arasynan tańdaldy.

Marqum Saltanat Núkenovanyń aǵasy Aıtbek Amangeldi sotta qaryndasynyń soqqyǵa jyǵylǵan sýretin kórsetip, ekeýiniń arasyndaǵy janjal týraly aıtty.

Alǵashqy soqqydan keıin aǵasy ony alyp ketpek bolǵan, biraq Saltanat nekeni saqtap qalǵysy kelgen.