Noǵaev Mańǵystaý oblysynda 60 myń jumys orny ashylatyn aitty
Keshendi jospar 214 is-sharadan turady, onyń ishinde ekonomikany damytý aiasynda – 87, turǵyn úi jáne infraqurylym boiynsha – 48, áleýmettik sala men ekologiiada 66, azamattyq qorǵanysty qamtamasyz etýde 13 is-shara qarastyrylǵan, – dedi ol.
Onyń sózinshe, keshendi jospardyń jalpy biýdjeti 2,1 trln teńge. Onyń ishinde 71% jeke investitsiianyń úlesi biýdjettik qarajattyń kólemi 457 mlrd teńgeni qurady, onyń ishinde respýblikalyq biýdjet – 339 mlrd teńge, jergilikti biýdjet – 118 mlrd teńge.
Noǵaevtyń aitýynsha, keshendi jospardy júzege asyrý arqyly óńirdegi kelesidei nátijelerge qol jetkizý josparlanyp otyr:
- 2025 jylǵa qarai oblystyń jalpy ishki óńirlik óniminiń kólemin 3,1 trln.teńgeden 4,1 trln teńgege deiin ulǵaitý;
- 2025 jyly óńirge keletin týrister sanyn 750 myńǵa deiin arttyrý;
- Halyqtyń naqty tabysyn ulǵaitý;
Prezidenttiń tapsyrmasy boiynsha Úkimet qabyldaǵan keshendi jospar óńirdegi ózekti máselelerdi sheshýge, oblys turǵyndarynyń ómir súrý sapasyn jaqsartýǵa baǵyttalǵan. Keshendi jospar aiasynda aldaǵy 5 jylda 60 myńnan astam jumys ornyn qurý kózdelip otyr, – dedi Nurlan Noǵaev.
