Tanymal qaraǵandylyq kásipker Petr Vasilchenko jol apatynan qaza tapty. Jelide qaiǵyly oqiǵa ornynan video paida boldy, - dep habarlaidy Dalanews.kz.
Video dorogi_karagandy Instagram-paraqshasynda paida boldy. Kadrda kólik tielgen Gazeldiń órtenip jatqany, onyń janynda kásipker tizgindegen jeńil kólik kórinedi, boljam boiynsha bul - Mersedes kóligi.
Jol apaty 23 aqpanda saǵat 12:30-da Qaraǵandy oblysyndaǵy Aqshataý aýylynan 10 shaqyrym jerde bolǵan. Vasilchenko Mercedes-AMG GLS 63 markaly avtokóligimen kele jatyp, Qaraǵandy-Balqash tasjolynda Gazelmen soqtyǵysqan. Kásipker oqiǵa ornynda kóz jumdy, áieli aýrýhanaǵa jetkizildi. "Gazel" tolyǵymen órtenip ketti.
Vasilchenko nan jáne nan ónimderin shyǵaratyn "Orion" kompaniiasynyń iesi boldy. Kásipker 2022 jylǵy mamyrda Erlan Nyǵmatýlinniń aǵalarynan "Balqash Nan" nan óndiretin kásiporyndy satyp alǵan edi.
