Májilis depýtaty mandatyn jańa ıelengen Nurlan Nyǵmatýlın májilis tóraǵasy qyzmetine usynyldy. Tengrinews.kz saıtynyń habarlaýynsha, Nyǵmatýlındi tóraǵalyqqa májiliste "Nur Otan" partıasy fraksıasynyń jıynynda Qazaqstan prezıdenti Nursultan Nazarbaev usynǵan. Usynysty fraksıa depýtattary biraýyzdan qoldaǵan.

Májilis depýtaty Maıra Aısınanyń sózinshe, Nyǵmatýlınniń kandıdatýrasyna májilis depýttary plenarlyq otyrysta daýys beredi.

Ortalyq saılaý komısıasy búgin prezıdent ákimshiligi jetekshisi bolǵan Nurlan Nyǵmatýlınniń ulttyq ekonomıka vıse-mınıstri bolyp taǵaıyndalyp ketken Roman Sklárdiń ornyna depýtat bolǵanyn habarlaǵan.

Nyǵmatýlın buǵan deıin de - 2012 jyldyń qańtarynan 2014 jyldyń sáýirine deıin májilis tóraǵasy bolǵan.