Nestlé balalarǵa arnalǵan sút qospalarynyń birqatar partiiasyn yqtimal toksin qaýpine bailanysty jahandyq deńgeide keri qaitarý týraly sheshim qabyldady, dep habarlaidy Dalanews.kz.
Kompaniianyń habarlaýynsha, keri qaitarý Qazaqstanmen qatar Frantsiia, Germaniia, Avstriia, Daniia, Italiia jáne Shvetsiia naryqtarynda satylǵan ónimderge qatysty. Tekserý barysynda qospalardyń jekelegen partiialarynda Bacillus cereus bakteriiasynyń keibir shtammdary bóletin tserýlid toksinimen yqtimal kontaminatsiia qaýpi anyqtalǵan.
Halyqaralyq retteýshilerdiń dereginshe, tserýlid qusý, ishtiń aýyrýy jáne jedel taǵamdyq reaktsiialarǵa ákelýi múmkin, ásirese sábiler úshin qaýipti. Osyǵan bailanysty kompaniia óndiristi toqtatyp, ónimdi sórelerden alyp tastaýǵa kirisken.
Azyq-túlik qaýipsizdigi jónindegi sarapshylar mundai qadamdy táýekeldi basqarýdyń standartty tetigi dep baǵalaidy. Iaǵni óndirýshi yqtimal qaterdi erte anyqtap, jappai ziian kelmei turyp áreket etken.
Aita keteiik, sońǵy jyldary uqsas tájiribe basqa da iri brendterde bolǵan. Mundai keri qaitarýlar kompaniialar úshin qarjylyq shyǵyn ákelgenimen, tutynýshylardyń densaýlyǵyn qorǵaý turǵysynan tiimdi sanalady.
Qazaqstan úshin bul jaǵdai importtyq balalar taǵamyna táýeldilik joǵary ekenin eske salady. Sarapshylar qaýipti partiialardy jedel anyqtap, tutynýshylardy tez habardar etý tetikterin kúsheitýdiń mańyzyn atap ótedi.
