Sharaǵa qatysýshylar Germanıa Eýropalyq Odaqta Qazaqstannyń strategıalyq seriktesi bolǵandyqtan ekijaqty ekonomıkalyq yntymaqtastyqtyń ózekti máselelerin talqylady.
– Búgin ınvestorlar, onyń ishinde nemis ınvestorlary iske asyratyn múmkindikterdiń barlyq pýlyn kórsetti. Bul jańa ınvestısıalyq strategıa, jer qoınaýy týraly zańnamadaǵy ózgerister, Anglıa quqyǵy negizinde AHQO qurý jáne basqalary. Osy forýmda Investısıalar jáne damý mınıstrliginiń, AHQO, «Kazakh Invest» ókilderi zańnamadaǵy osy jańalyqtardy jáne bar múmkindikterdi kórsetti, – dep atap ótti «Astana» halyqaralyq qarjy ortalyǵynyń meńgerýshisi Qaırat Kelimbetov.
İs-shara barysynda nemis tarapynyń ókilderi ınvestısıalyq yntymaqtastyqty tehnologıalyq damý sheńberinde belsendirý qajettigin alǵa tartty.
– Bizder Qazaqstandaǵy ınvestısıalyq klımatty óte jaqsy ekenin baıqap otyrmyz. Muny barlyq halyqaralyq reıtıńterden baıqaýǵa bolady. Qazaqstan ınvestısıa tartýda dúnıejúzindegi úzdik is-tájirıbelerdi negizge alatynymen erekshelenedi. Nemis bıznesi de muny joǵary deńgeıde baǵalaıdy. Bizde úlken nemis kompanıalarynyń Qazaqstanǵa kelýine qatysty alǵashqy tájirıbemiz bar. Qazirgi ýaqytta orta nemis bıznesin tartýdyń mańyzy zor. Óıtkeni olar kóptegen salalarda kóshbasshy bolyp tabylady. Sondyqtan bizder tehnologıalyq yntymaqtastyqqa kúsh salatyn bolamyz. Osy rette «Kazakh Invest» naqty ınvestısıalyq jobalar boıynsha aqparat berýi úlken rol atqarady, – dep atap ketti Germanıa ekonomıkasynyń Shyǵys komıtetiniń meńgerýshi dırektory Mıhael Harms.
Óz kezeginde QR Investısıalar jáne damý mınıstrliginiń Investısıalar komıtetiniń tóraǵasy Erlan Haırov Germanıadan kelgen ınvestısıalardyń shamamen 90 paıyzy birinshi kezekte óńdeýshi sektorǵa baǵyttalǵanyn atap ketti.
– Memleket basshysynyń tapsyrmasy boıynsha ınvestorlardy strategıalyq turǵydan tartý kerek. Nemis kásipkerleri Elbasynyń bul bastamasyn joǵary baǵalap, memlekettik ındýstrıalandyrý baǵdarlamasyna qatysýǵa qyzyǵýshylyq tanytýda, – dedi komıtet tóraǵasy.
Forým kezinde «Kazakh Invest» basqarma tóraǵasynyń orynbasary Marat Birimjan Qazaqstanda qandaı ınvestısıalyq múmkindikterdiń bar ekendigin aıtyp, nemis kompanıalaryn jekeshelendirý baǵdarlamasyna qatysýǵa shaqyrdy: «Qazaqstan – bul tranzıttik el ǵana emes, jaqyn jatqan elderge óz óndirisińdi eksporttaýǵa bolatyn el. «Kazakh Invest» ınvestorlarǵa perspektıvaly ınvestısıalyq jobalarǵa, sondaı-aq jekeshelendirý baǵdarlamasyn iske asyrýǵa qatysty naqty aqparat beredi», – dep atap ketti ol.
İs-shara qorytyndysynda nemis taraby Qazaqstandaǵy ekonomıkalyq reformalardyń mańyzyn joǵary baǵalady.
«QmD» aqparat
