شاراعا قاتىسۋشىلار گەرمانيا ەۋروپالىق وداقتا قازاقستاننىڭ ستراتەگيالىق سەرىكتەسى بولعاندىقتان ەكىجاقتى ەكونوميكالىق ىنتىماقتاستىقتىڭ وزەكتى ماسەلەلەرىن تالقىلادى.
– بۇگىن ينۆەستورلار، ونىڭ ىشىندە نەمىس ينۆەستورلارى ىسكە اسىراتىن مۇمكىندىكتەردىڭ بارلىق پۋلىن كورسەتتى. بۇل جاڭا ينۆەستيسيالىق ستراتەگيا، جەر قويناۋى تۋرالى زاڭناماداعى وزگەرىستەر، انگليا قۇقىعى نەگىزىندە احقو قۇرۋ جانە باسقالارى. وسى فورۋمدا ينۆەستيسيالار جانە دامۋ مينيسترلىگىنىڭ، احقو، «Kazakh Invest» وكىلدەرى زاڭناماداعى وسى جاڭالىقتاردى جانە بار مۇمكىندىكتەردى كورسەتتى، – دەپ اتاپ ءوتتى «استانا» حالىقارالىق قارجى ورتالىعىنىڭ مەڭگەرۋشىسى قايرات كەلىمبەتوۆ.
ءىس-شارا بارىسىندا نەمىس تاراپىنىڭ وكىلدەرى ينۆەستيسيالىق ىنتىماقتاستىقتى تەحنولوگيالىق دامۋ شەڭبەرىندە بەلسەندىرۋ قاجەتتىگىن العا تارتتى.
– بىزدەر قازاقستانداعى ينۆەستيسيالىق كليماتتى وتە جاقسى ەكەنىن بايقاپ وتىرمىز. مۇنى بارلىق حالىقارالىق رەيتينگتەردەن بايقاۋعا بولادى. قازاقستان ينۆەستيسيا تارتۋدا دۇنيەجۇزىندەگى ۇزدىك ىس-تاجىريبەلەردى نەگىزگە الاتىنىمەن ەرەكشەلەنەدى. نەمىس بيزنەسى دە مۇنى جوعارى دەڭگەيدە باعالايدى. بىزدە ۇلكەن نەمىس كومپانيالارىنىڭ قازاقستانعا كەلۋىنە قاتىستى العاشقى تاجىريبەمىز بار. قازىرگى ۋاقىتتا ورتا نەمىس بيزنەسىن تارتۋدىڭ ماڭىزى زور. ويتكەنى ولار كوپتەگەن سالالاردا كوشباسشى بولىپ تابىلادى. سوندىقتان بىزدەر تەحنولوگيالىق ىنتىماقتاستىققا كۇش سالاتىن بولامىز. وسى رەتتە «Kazakh Invest» ناقتى ينۆەستيسيالىق جوبالار بويىنشا اقپارات بەرۋى ۇلكەن رول اتقارادى، – دەپ اتاپ كەتتى گەرمانيا ەكونوميكاسىنىڭ شىعىس كوميتەتىنىڭ مەڭگەرۋشى ديرەكتورى ميحاەل حارمس.
ءوز كەزەگىندە ق ر ينۆەستيسيالار جانە دامۋ مينيسترلىگىنىڭ ينۆەستيسيالار كوميتەتىنىڭ ءتوراعاسى ەرلان حايروۆ گەرمانيادان كەلگەن ينۆەستيسيالاردىڭ شامامەن 90 پايىزى ءبىرىنشى كەزەكتە وڭدەۋشى سەكتورعا باعىتتالعانىن اتاپ كەتتى.
– مەملەكەت باسشىسىنىڭ تاپسىرماسى بويىنشا ينۆەستورلاردى ستراتەگيالىق تۇرعىدان تارتۋ كەرەك. نەمىس كاسىپكەرلەرى ەلباسىنىڭ بۇل باستاماسىن جوعارى باعالاپ، مەملەكەتتىك يندۋستريالاندىرۋ باعدارلاماسىنا قاتىسۋعا قىزىعۋشىلىق تانىتۋدا، – دەدى كوميتەت ءتوراعاسى.
فورۋم كەزىندە «Kazakh Invest» باسقارما ءتوراعاسىنىڭ ورىنباسارى مارات ءبىرىمجان قازاقستاندا قانداي ينۆەستيسيالىق مۇمكىندىكتەردىڭ بار ەكەندىگىن ايتىپ، نەمىس كومپانيالارىن جەكەشەلەندىرۋ باعدارلاماسىنا قاتىسۋعا شاقىردى: «قازاقستان – بۇل ترانزيتتىك ەل عانا ەمەس، جاقىن جاتقان ەلدەرگە ءوز ءوندىرىسىڭدى ەكسپورتتاۋعا بولاتىن ەل. «Kazakh Invest» ينۆەستورلارعا پەرسپەكتيۆالى ينۆەستيسيالىق جوبالارعا، سونداي-اق جەكەشەلەندىرۋ باعدارلاماسىن ىسكە اسىرۋعا قاتىستى ناقتى اقپارات بەرەدى»، – دەپ اتاپ كەتتى ول.
ءىس-شارا قورىتىندىسىندا نەمىس تارابى قازاقستانداعى ەكونوميكالىق رەفورمالاردىڭ ماڭىزىن جوعارى باعالادى.
«قمد» اقپارات
