Úsh dúrkin álem chempiony Nazym Qyzaibai armanyn oryndaý úshin Olimpiadadan keiin syiǵa berilgen kólikterin satpaq, dep habarlaidy Dalanews.kz.
Nazym 2025 jylǵa qoiǵan jospary kóp bolǵanyn, olardyń kóbi oryndalǵanyn atap ótti.
"Biraq men úshin erekshe mańyzdy úsh úlken maqsat bar edi. Birinshisi - úsh dúrkin álem chempiony ataný. Ekinshisi - ata-anama úlken úi syilaý. Úshinshisi - ózimniń boks zalymdy ashý. Osy maqsattardyń ekeýi oryndaldy. Úsh dúrkin álem chempiony boldym, oǵan qosa osy jyly eki álem chempionaty bolǵandyqtan, óz rekordymdy janaraqym keldi, biraq ekinshisinde kúmis aldym. Osylaisha Álem chempionatynda tolyq komplekt boldy. Otbasyma úlken úi de aldym, bári máz… Ózimdi maqtap qoiiayn da", - deidi Nazym.
Sportshy endi úshinshi armanyn oryndaýǵa "kirisken".
"Qazir shaǵyn ǵimaratty qarastyryp qoidym, unap ta tur, soǵan bailanysty bir habarlandyrýmen bóliskim keledi. Ózimniń ádemi kóligimdi satamyn. Bul kólik maǵan Olimpiadadan keiin syiǵa berilgen, bir jyldan asa ýaqyt mindim, jaǵdaiy jaqsy. Kólikti jaqsy kóremin, biraq arman men maqsat úshin bul qadamǵa barýǵa daiynmyn. Qyzyǵýshylyq tanytqandar jekege shyqsańyzdar bolady, bolmasa aǵama habarlasyńyzdar", - deidi sportshy.
Eske salaiyq, byltyr kúmis júldeger gimnast Nariman Qurbanov pen qola júldegerler dziýdoshy Ǵusman Qyrǵyzbaev, boksshy Nazym Qyzaibai, oq atýdan saiysqa túsken mergender Aleksandra Le men Islam Sátbaevqa páter sertifikattary jáne aqshalai syilyqtar berilgen bolatyn.
Barlyq júldeger 5 jáne 4 mln teńgeniń sertifikaty men jańa avtokólikterdiń kiltin aldy. Olimpiadada eldiń namysyn qorǵaǵan barlyq almatylyq sportshy men jattyqtyrýshylar quramy da aqshalai sertifikatpen marapattaldy.
