Ekonomika salasyndaǵy sarapshy Maqsat Halyq shetelden aktivterdi elge qaitarý máselesine qatysty pikir bildirdi, - dep habarlaidy Dalanews.kz.
Onyń sózinshe, qazir shetelge ketken aktivterdi qaitarý boiynsha zań qabyldanyp jatyr.
"Soǵan bailanysty arnaiy komissiia qurylady, shot ashylady dedi. Komissiianyń tizimi áli anyqtalǵan joq. Qazaqstan Prokýratýrasy jaýapty bolady dedi. Biraq barlyǵy qupiia ótip jatyr. Qai aqsha qaidan kelip jatqany, qalai ketip jatqany túsiniksiz. 1 trillion teńge qaitaryldy degen statistikalar shyǵady. 1 trillion teńge qaitara aldyq. Bul ulttyq qorǵa aýdarylyp jatqan joq. Memlekettik biýdjetke tartylady dep aitylady. Biraq biz qaitqan aqsha qaida jumsalyp jatqanyn kórip jatqan joqpyz. Sol esepter bizge kerek jáne ol halyqqa ashyq aitylýy kerek. Halyq qansha aqsha kelgenin, kim qansha aqsha qaitarǵanyn kórip otyrýy kerek. Biraq bizde áli kúnge deiin árbir jerde adami faktorlar bar. Jasandy intellekt shyqty. Sheshimdi kóbine jasandy intellekt jasasyn. Ol jerde "anaý meniń baýyrym edi, mynaý bizdiń týysqanymyz edi" degen nárseler bolmaidy. Jańa tehnologiialar bolsa, ashyqtyqqa tez kelemiz dep oilaimyn.
...Qazirgi ýaqytta statistikada 200 mlrd dollar kóleminde qarajat shette júr degen aqparat bar. Bir derekterde 500 mlrd dollarǵa deiin barýy múmkin deidi. Naqty sanyn eshkim bilmeidi. 200 mlrd dollar degen - tutas Qazaqstannyń bir jyldyq jalpy ishki ónimi. Bir Qazaqstan shette júr degen siiaqty. Eger de ol qarajatty elge keltire alsaq - onda Qazaqstannyń qazirgi kúiin eki eselei alýǵa bolady degen sóz", - dedi sarapshy Barys Media-ǵa.
Sonymen qatar, sarapshy Nazarbaev áýleti bul máselege qanshalyq jaýap berip jatqanyn aitty.
"Kim suralyp jatyr?" degen suraqqa qaraiyqshy. Nazarbaevtyń alys týysqandary suralyp jatyr. Jaqyn týysqandary she? Eshkim suralyp jatqan joq. Arab elderinde júr deidi, kórip otyrmyz. Syrttan eldi baqylap otyr. Nazarbaev qorlary áli kúnge deiin tolyq tsiklde jumys istep tur. Osyndai úrdisterdi kórgen kezde burynǵy 162 adam áli sol otyr dep aitýǵa bolady", - dedi Maqsat Halyq.
