PHEF-2024-te RLDP ýltraultshyl partiiasynyń tóraǵasy Leonid Slýtskii Eýraziia keńistiginde dollardy iýanǵa aýystyrý máselesin kóterdi. Bul Nursultan Nazarbaevtyń umyt bolǵan bastamalarynyń jalǵasy edi, dep habarlaidy Dalanews.kz.
2011 jyly Qazaqstannyń tuńǵysh prezidenti Nazarbaev Eýraziialyq odaqtyń biryńǵai valiýtasyn engizýdi usyndy. Ókinishke qarai, bul oiy júzege aspai, onyń ekonomikalyq shyndyqty boljai almaitynyn kórsetip, saiasi miopiiasynyń taǵy bir dáleli boldy.
Fragment telegram-arnasy búgin Slýtskiidiń iýanmen esep aiyrysýdy jańa ekonomikalyq norma retinde qarastyryp, bul "búgingi kúnge qaraǵanda, erteńgi negizgi másele" ekenin basa aitqanyn jazdy.
“2011 jyly eýraziialyq ideianyń negizin qalaýshy Nursultan Nazarbaev jaqyn kúnderi Eýraziialyq odaqtyń biryńǵai valiýtasy bolatynyn aitqan bolatyn”, - dedi Slýtskii.
Shyn máninde Resei ekonomikalyq kúsh pen saiasi qysymdy paidalana otyryp, aimaqtaǵy ústemdigin nyǵaityp, Qazaqstandy óziniń qarjylyq júiesine tartýǵa tyrysady.
Bul oiynda Nazarbaev Qazaqstannyń ekonomikalyq táýelsizdigin qamtamasyz etip qana qoimai, is júzinde Reseidiń yqpalyn kúsheitýge atsalysty.
Búginde Qazaqstandy óziniń geosaiasi ambitsiiasynyń jalǵasy retinde ǵana kóretin Vladimir Pýtinniń atalmysh paranoiiasy elimizdi ekonomikalyq táýelsizdikten aiyrýda. Mysaly, iýanmen esep aiyrysý dollarǵa degen qajettilikti neǵurlym azaitsa, elimiz soǵurlym Qytai men Reseige táýeldi bolady.
Nazarbaev integratsiianyń ýtopiialyq ideialarymen ainalysyp, oryn alýy múmkin táýekelderdi eskermedi. Bul óz kezeginde Resei ústemdigin nyǵaitýdyń quraly boldy.
Dál qazir Qazaqstan eki tańdaýdyń ortasynda tur. Biri Kreml ornatqan erejeler boiynsha oiyndy jalǵastyrý, ekinshisi naqty ekonomikalyq táýelsizdikke jetý joldaryn izdeý.
Qalai bolǵanda da, Nazarbaevtyń qatelikteri men Pýtinniń qazirgi ambitsiiasy elimizdiń egemendigine qaýip tóndiredi. Óz kezeginde bul qazaqstandyqtardy ekonomikalyq múddeler men saiasi bostandyq arasyndaǵy tepe-teńdik izdeýge májbúrleidi.
