Eks-prezıdent Nursultan Nazarbaevtyń kórshisi vıllasyn 2,4 mıllıard teńgege satylymǵa qoıdy, - dep habarlaıdy Dalanews.kz. 

Vılla ıesi - Nurlan Shabdar. Al ol Qaskeleńniń týmasy, birneshe ret laýazymdy qyzmet atqarǵan, prezıdenttiń kúzet qyzmetin basqarǵan, UQK tóraǵasy bolǵan Amangeldi Shabdarbaevtyń uly.

Amangeldi Shabdarbaev pen Nursultan Nazarbaev. Foto: ashyq derekkózden

10 bólmeli páterdiń jalpy aýmaǵy 1103,8 sharshy metr. Dostyq pen Ospanov kóshesiniń qıylysynda ornalasqan záýlim úı 22,63 sotyq jerdi alyp otyr. 

Záýlim saraıdaı vıllada jeke kúzet qyzmeti bar. Shabdarbaevtardyń úıiniń birinshi qabatynda as úıi, kabınet, birneshe jatyn bólme,monsha, baseın men qyzmettik bólmeler bar. 

Al ekinshi qabatynda jatyn bólmeler, balalar bólmesi men tapchan bólmesi bar. 

Úıdiń aımaǵynda da landshaft dızaıneri jumys istegeni jáne jeke baǵbany bar ekeni kórinip tur.  

Bir qyzyǵy úıdiń jarnamasynda kórshiler meıirimdi jáne aýqatty ekeni jazylǵan. Bulaı jazylýy beker emes. Sebebi satylymdaǵy úıge jaqyn jerde Nursultan Nazarbaev turatyn kórinedi. 

Aıta keteıik, qazirgi tańda vıllanyń jarnamasy úı satý jáne satyp alýǵa arnalǵan tanymal saıttan alynyp tastalǵan.  

Úı ıesi Nurlan Shabdar da bir kezderi kúshtik qurylymdarda jumys istegen. Al sońǵy atqarǵan qyzmeti - Aqtóbe oblysy boıynsha Sybaılas jemqorlyqqa qarsy is-qımyl agenttiginiń basshysy. Al qazir bul qyzmetti Esqalı Salamatov atqarady. Qazirgi tańda Shabdarovtyń nemen aınalysyp júrgeni belgisiz.