Nursultan Nazarbaevtyń jien nemeresi Nuráli Áliev dzen dárejesine jetip, ishki tynyshtyq pen sanaly ómir súrýdi nasihattaityn rýhani baǵyttaǵy jobasyn iske qosty, dep habarlaidy Dalanews.kz.
Spark of Light dep atalatyn bul joba adamnyń ózin tereńirek tanýyna, kúizelisten arylýyna jáne ómirine sanaly kózqaraspen qaraýyna kómektesedi. Baǵdarlama aiasynda oi men sanany damytý, ishki úilesimge jetý joldary usynylady.
Sonymen qatar joba sheńberinde adamzat sanasynyń jańa deńgeige ótýi týraly rýhani tujyrymdar da qamtylǵan.
Eske salaiyq, buǵan deiin Nuráli Áliev týǵan kúnin Dýbaida dúrkiretip atap ótken edi.
Týǵan kún keshinen kadrlardy Álievtiń ózi áleýmettik jelidegi paraqshalarynda bólisken. Sýretterden týǵan kúnde ony balalary da júrgenin baiqaýǵa bolady.
Aita keteiik, Nuráli Áliev, Forbes málimetteri boiynsha, Qazaqstandaǵy eń bai 75 adamnyń reitinginde 39-orynda.
Ol «Capital Holding» JShS men «Darmen Holding» JShS-niń majoritarlyq aktsioneri.
Áliev Dýbaida (BAÁ) ornalasqan Donatello Hotels and Resorts qonaqúi jelisine, Almatydaǵy Donatello Boutique Hotel qonaqúiine, sondai-aq Almaty men Astanadaǵy birneshe meiramhanaǵa ielik etedi.
Aqpan aiynda Áliev Instagram paraqshasynda satý mámilesine bailanysty «Transtelekom» AQ aktsionerleri quramynan shyǵatynyn málimdedi.
