Sol depýtat kózge túskish. Parlament palatalarynyń birlesken otyrysynda Hamenova Nursultan Nazarbaevtyń esimin QR Konstitýtsiiasyna engizýdi usynǵan edi.
Májilis depýtaty
«Qazaqstannyń qalyptasýy men damýyndaǵy Memleket basshysynyń airyqsha rólin Ata Zańǵa jazyp qoiý ideiasyn halyq jappai qoldap otyr»,
degen senimin jasyrmai aitqan.
«Elbasynyń baǵa jetpeitin erekshe rólin Ata Zańǵa engizýdi óte qajet dep sanaimyn. Memlekettik táýelsizdik siiaqty elimizdiń umytylmaityn qundylyqtary týraly Konstitýtsiiadaǵy 91 baptyń ekinshi pýnktine Táýelsiz Qazaqstannyń Kóshbasshysy Nursultan Nazarbaevtyń mártebesin de engizýdi usynamyn»,
– dep sańqyldap sóilep tastaǵan edi Hamenova byltyrǵy jylǵy dál osy ýaqytta.
Al Nazarbaevtyń ózi jaǵympazdyq jaiynda: "Meniń atyma kóptegen jaǵympaz maqtaýlar aitylady.
Men mundaiǵa elitetin jasta emespin.
Birnárse jasalyp jatsa, ol jaily aitqan durys, al odan asyra maqtaý qajet emes", – dep aitqany esimizde.
Kúni keshe Parlament palatalarynyń birlesken otyrysyna qatysqan Nazarbaev óziniń áli tyń ekenin aitqan.
"Erteńgi kúnimizge senimmen qaraý úshin men jumys istedim, sol úshin jumys istep kelemin, alda jumys istei de beremin"
– dedi Prezident.
Óz kezeginde marqum Gerold Belger kózi tirisinde Nazarbaevtyń táýelsiz Qazaqstan tarihyndaǵy róli týraly shynaiy, saýatty pikir áli kúnge deiin aitylmaǵanyn tilge tiek etken.
"Bári shetinen maqtaý. Jalpy bizde bári maqtaý. Bári tulǵa. Bizde Belgerden basqasynyń bári tulǵa.
Kim-kim, dál osy Nazarbaev maqtaýǵa kende emes
– degen edi jazýshy.
