سول دەپۋتات كوزگە تۇسكىش. پارلامەنت پالاتالارىنىڭ بىرلەسكەن وتىرىسىندا حامەنوۆا نۇرسۇلتان نازاربايەۆتىڭ ەسىمىن ق ر كونستيتۋسياسىنا ەنگىزۋدى ۇسىنعان ەدى.
ءماجىلىس دەپۋتاتى
«قازاقستاننىڭ قالىپتاسۋى مەن دامۋىنداعى مەملەكەت باسشىسىنىڭ ايرىقشا ءرولىن اتا زاڭعا جازىپ قويۋ يدەياسىن حالىق جاپپاي قولداپ وتىر»،
دەگەن سەنىمىن جاسىرماي ايتقان.
«ەلباسىنىڭ باعا جەتپەيتىن ەرەكشە ءرولىن اتا زاڭعا ەنگىزۋدى وتە قاجەت دەپ سانايمىن. مەملەكەتتىك تاۋەلسىزدىك سياقتى ەلىمىزدىڭ ۇمىتىلمايتىن قۇندىلىقتارى تۋرالى كونستيتۋسياداعى 91 باپتىڭ ەكىنشى پۋنكتىنە تاۋەلسىز قازاقستاننىڭ كوشباسشىسى نۇرسۇلتان نازاربايەۆتىڭ مارتەبەسىن دە ەنگىزۋدى ۇسىنامىن»،
– دەپ ساڭقىلداپ سويلەپ تاستاعان ەدى حامەنوۆا بىلتىرعى جىلعى ءدال وسى ۋاقىتتا.
ال نازاربايەۆتىڭ ءوزى جاعىمپازدىق جايىندا: "مەنىڭ اتىما كوپتەگەن جاعىمپاز ماقتاۋلار ايتىلادى.
مەن مۇندايعا ەلىتەتىن جاستا ەمەسپىن.
بىرنارسە جاسالىپ جاتسا، ول جايلى ايتقان دۇرىس، ال ودان اسىرا ماقتاۋ قاجەت ەمەس"، – دەپ ايتقانى ەسىمىزدە.
كۇنى كەشە پارلامەنت پالاتالارىنىڭ بىرلەسكەن وتىرىسىنا قاتىسقان نازاربايەۆ ءوزىنىڭ ءالى تىڭ ەكەنىن ايتقان.
"ەرتەڭگى كۇنىمىزگە سەنىممەن قاراۋ ءۇشىن مەن جۇمىس ىستەدىم، سول ءۇشىن جۇمىس ىستەپ كەلەمىن، الدا جۇمىس ىستەي دە بەرەمىن"
– دەدى پرەزيدەنت.
ءوز كەزەگىندە مارقۇم گەرولد بەلگەر كوزى تىرىسىندە نازاربايەۆتىڭ تاۋەلسىز قازاقستان تاريحىنداعى ءرولى تۋرالى شىنايى، ساۋاتتى پىكىر ءالى كۇنگە دەيىن ايتىلماعانىن تىلگە تيەك ەتكەن.
"ءبارى شەتىنەن ماقتاۋ. جالپى بىزدە ءبارى ماقتاۋ. ءبارى تۇلعا. بىزدە بەلگەردەن باسقاسىنىڭ ءبارى تۇلعا.
كىم-كىم، ءدال وسى نازاربايەۆ ماقتاۋعا كەندە ەمەس
– دەگەن ەدى جازۋشى.
