Bokstan Parıj Olımpıadasynyń qola júldegeri Nazym Qyzaı̆baı̆ erekshe marapatqa ıe boldy, - dep habarlaıdy Dalanews.kz 1Bol saıtyna silteme jasap.

Sportshyny Dinmuhamed Qonaevtyń jáne Nursultan Nazarbaevtyń jeke kúzetin basqarǵan, Ulttyq Qaýipsizdik komıtetiniń tóraǵasy bolǵan general-leı̆tenant Amangeldi Shabdarbaev marapattady.

"Bizdiń qyzymyz, jerlesimiz, Olımpıadadan qola medal alyp kelip otyr. Arnaı̆y Dinmuhamed Qonaevtyń ordenin jasadyq. Sony qymyzydyń keýdesine taǵyp otyrmyz", - dedi Amangeldi Shabdarbaev.

Eske salaıyq, bokstan Qazaqstan komandasynyń múshesi Nazym Qyzaıbaı el qorjynyna qola medal saldy. 

50 keli salmaqta synǵa túsken Qyzaıbaı jartylaı fınalda bokstan álem jáne Azıa oıyndarynyń chempıony, qytaılyq Vý Iýge ese jiberdi. 

Osylaısha, Nazym Qyzaıbaı óz mansabynda tuńǵysh ret, ózi qatysqan alǵashqy Olımpıada oıyndarynda qola júldeger atandy.