Memlekettik kirister komitetiniń ujymy vedomstvonyń qazirgi basshysy Jandos Dúisembiev taǵaiyndalar buryn úndeý jasaǵan. Úndeýdi ujym 2023 jyldyń qyrkúieginde "Berkýt pod solntsem" telegram arnasyna jibergen. Telegram arnanyń málimetinshe, Dúisembiev Nazarbaevtar áýletimen tikelei bailanysty adam bolýy múmkin, - dep habarlaidy Dalanews.kz.
Úndeýdegi málimet boiynsha, Jandos Dúisembiev taǵaiyndalar buryn onyń ornyna kim otyrady degen suraq prezident ákimshiligi, sol kezdegi premer-ministr Álihan Smaiylov pen Marat Sultanǵaziev arasynda qyzý talqyǵa túsken.
Al MKK basshysy bolyp taǵaiyndalǵan Jandos Dúisembievtiń Samat Ábishpen rýlyq (Shapyrashty) týystyǵy bar bolyp shyqty. Dúisembiev aýdit departamentin basqaryp júrgen kezde keibir kompaniialarǵa "krysha" bolǵan. Ol sol kompaniialarda qylmystyq jolmen alynǵan aqshalardy zańdastyryp, qolma-qol aqshaǵa ainaldyrýǵa kómektesken. Odan bólek, onyń negizgi mindetteriniń biri – Nazarbaevtar áýletimen bailanysty kompaniialarǵa tekseris júrgizýdi boldyrmaý.
"Jyl basynda birneshe media qarjy ministri Jamaýbaev keden beketine barǵannan keiin birneshe adam qyzmetten ketkenin habarlady. Biraq bul jaittar sol kezde Qazaqstan kedeninde bolyp jatqan kontrabandanyń negizgi jetekshilerine qatysty bolmaǵan, onyń ishinde:
M.Sultanǵaziev – onyń basshylyǵymen biryńǵai keden operatorlary qurylyp, ol jerge "ózderiniń" kompaniialary tirkelgen. Syrtqy ekonomikalyq qyzmetke múshe kompaniialar Qytaidan kelgen taýarlardy ýaqytsha saqtaý qoimalaryna saqtaý úshin ondaǵan myń dollar tóleýine májbúr bolǵan. Osylaisha, Sultanǵaziev memlekettik shekara segmentiniń jeke qolǵa ótip ketýine, iaǵni "ózderiniń aralaryndaǵy" kompaniialarǵa ótýine yqpal etti. Sonymen qatar, Sultanǵaziev kontrabandalyq júielerdi Qairat Satybaldymen kelisip otyryp qabyldap, ai saiyn, turaqty túrde 500 myń dollar jáne odan kóp aqsha alyp otyrǵan", - delingen telegram arnada.
Keden beketindegi aýys-túiisten Qairat Jumaǵulov ta qutylyp ketken. Telegram arnanyń málimetinshe, ol keden beketteriniń jumysyna tikelei jaýapty bolǵan. Jumaǵulov ta Satybaldymen tyǵyz bailanysty adam jáne onyń buiryqtaryn oryndap otyrǵan kórinedi.
Taǵy bir adam – Ánipa Nazarbaevanyń týysy – Eldos Saýdabaev, ol Nazarbaevanyń kedendik júkterin baqylaýdy júzege asyryp otyrǵan. Tórtinshi adam – Bektas Ainaqulov. Ol eldiń barlyq kedendik tekserýlerine basshylyq jasaidy. Jalǵan tekserýler júrgizip, kontrabandalyq júkterge kóz juma qaraidy. Telegramdaǵy málimet boiynsha, Saýdabaev - Dúisembiev pen Sultanǵazievtiń adamy.
