مەملەكەتتٸك كٸرٸستەر كوميتەتٸنٸڭ ۇجىمى ۆەدومستۆونىڭ قازٸرگٸ باسشىسى جاندوس دٷيسەمبيەۆ تاعايىندالار بۇرىن ٷندەۋ جاساعان. ٷندەۋدٸ ۇجىم 2023 جىلدىڭ قىركٷيەگٸندە "بەركۋت پود سولنتسەم" تەلەگرام ارناسىنا جٸبەرگەن. تەلەگرام ارنانىڭ مەلٸمەتٸنشە, دٷيسەمبيەۆ نازارباەۆتار ەۋلەتٸمەن تٸكەلەي بايلانىستى ادام بولۋى مٷمكٸن, - دەپ حابارلايدى Dalanews.kz.
ٷندەۋدەگٸ مەلٸمەت بويىنشا, جاندوس دٷيسەمبيەۆ تاعايىندالار بۇرىن ونىڭ ورنىنا كٸم وتىرادى دەگەن سۇراق پرەزيدەنت ەكٸمشٸلٸگٸ, سول كەزدەگٸ پرەمەر-مينيستر ەليحان سمايىلوۆ پەن مارات سۇلتانعازيەۆ اراسىندا قىزۋ تالقىعا تٷسكەن.
ال مكك باسشىسى بولىپ تاعايىندالعان جاندوس دٷيسەمبيەۆتٸڭ سامات ەبٸشپەن رۋلىق (شاپىراشتى) تۋىستىعى بار بولىپ شىقتى. دٷيسەمبيەۆ اۋديت دەپارتامەنتٸن باسقارىپ جٷرگەن كەزدە كەيبٸر كومپانييالارعا "كرىشا" بولعان. ول سول كومپانييالاردا قىلمىستىق جولمەن الىنعان اقشالاردى زاڭداستىرىپ, قولما-قول اقشاعا اينالدىرۋعا كٶمەكتەسكەن. ودان بٶلەك, ونىڭ نەگٸزگٸ مٸندەتتەرٸنٸڭ بٸرٸ – نازارباەۆتار ەۋلەتٸمەن بايلانىستى كومپانييالارعا تەكسەرٸس جٷرگٸزۋدٸ بولدىرماۋ.
"جىل باسىندا بٸرنەشە مەديا قارجى مينيسترٸ جاماۋباەۆ كەدەن بەكەتٸنە بارعاننان كەيٸن بٸرنەشە ادام قىزمەتتەن كەتكەنٸن حابارلادى. بٸراق بۇل جايتتار سول كەزدە قازاقستان كەدەنٸندە بولىپ جاتقان كونتراباندانىڭ نەگٸزگٸ جەتەكشٸلەرٸنە قاتىستى بولماعان, ونىڭ ٸشٸندە:
م.سۇلتانعازيەۆ – ونىڭ باسشىلىعىمەن بٸرىڭعاي كەدەن وپەراتورلارى قۇرىلىپ, ول جەرگە "ٶزدەرٸنٸڭ" كومپانييالارى تٸركەلگەن. سىرتقى ەكونوميكالىق قىزمەتكە مٷشە كومپانييالار قىتايدان كەلگەن تاۋارلاردى ۋاقىتشا ساقتاۋ قويمالارىنا ساقتاۋ ٷشٸن ونداعان مىڭ دوللار تٶلەۋٸنە مەجبٷر بولعان. وسىلايشا, سۇلتانعازيەۆ مەملەكەتتٸك شەكارا سەگمەنتٸنٸڭ جەكە قولعا ٶتٸپ كەتۋٸنە, ياعني "ٶزدەرٸنٸڭ ارالارىنداعى" كومپانييالارعا ٶتۋٸنە ىقپال ەتتٸ. سونىمەن قاتار, سۇلتانعازيەۆ كونتراباندالىق جٷيەلەردٸ قايرات ساتىبالدىمەن كەلٸسٸپ وتىرىپ قابىلداپ, اي سايىن, تۇراقتى تٷردە 500 مىڭ دوللار جەنە ودان كٶپ اقشا الىپ وتىرعان", - دەلٸنگەن تەلەگرام ارنادا.
كەدەن بەكەتٸندەگٸ اۋىس-تٷيٸستەن قايرات جۇماعۇلوۆ تا قۇتىلىپ كەتكەن. تەلەگرام ارنانىڭ مەلٸمەتٸنشە, ول كەدەن بەكەتتەرٸنٸڭ جۇمىسىنا تٸكەلەي جاۋاپتى بولعان. جۇماعۇلوۆ تا ساتىبالدىمەن تىعىز بايلانىستى ادام جەنە ونىڭ بۇيرىقتارىن ورىنداپ وتىرعان كٶرٸنەدٸ.
تاعى بٸر ادام – ەنيپا نازارباەۆانىڭ تۋىسى – ەلدوس ساۋداباەۆ, ول نازارباەۆانىڭ كەدەندٸك جٷكتەرٸن باقىلاۋدى جٷزەگە اسىرىپ وتىرعان. تٶرتٸنشٸ ادام – بەكتاس ايناقۇلوۆ. ول ەلدٸڭ بارلىق كەدەندٸك تەكسەرۋلەرٸنە باسشىلىق جاسايدى. جالعان تەكسەرۋلەر جٷرگٸزٸپ, كونتراباندالىق جٷكتەرگە كٶز جۇما قارايدى. تەلەگرامداعى مەلٸمەت بويىنشا, ساۋداباەۆ - دٷيسەمبيەۆ پەن سۇلتانعازيەۆتٸڭ ادامى.
