"Búginnen bastap Amanat partiiasynyń tóraǵasy retinde ókilettigimdi toqtatyp, partiiadan shyǵý týraly sheshim qabyldadym. Bul qadamnyń simvoldyq máni bar. Osy oraida, Prezident sailaýynda maǵan senim artyp, qoldaǵandaryńyz úshin barshańyzǵa alǵysymdy aitamyn", – dedi Memleket basshysy.
Prezident partiia qatarynan shyqqanymen, uiymnyń strategiialyq baǵdary ózgermeitinine senim bildiretinin atap ótti.
Sondai-aq ol memleket basshysy eshbir partiiaǵa basymdyq bermegeni jón, iaǵni saiasi turǵydan beitarap bolýy qajet ekenin aitty.
"Amanat elimizdiń saiasi ómirinde erekshe orny bar uiym bolyp qala beretini anyq. Saiasattaǵy sabaqtastyq saqtalyp, partiia el igiligi úshin jasap jatqan jumystaryn jalǵastyra beredi", – dedi ol.
...
Al Amanat partiiasynyń tóraǵasy bolyp Qazaqstan Respýblikasy parlamenti májilisiniń tóraǵasy Erlan Qoshanov sailandy. Onyń kandidatýrasyn memleket basshysy Qasym-Jomart Toqaev usyndy.
Onyń kandidatýrasyn partiia músheleri kezekten tys XXIII sezde qoldady.
"Amanat partiiasy – prezidenttiń qoǵamdyq tiregi, reformalar partiiasy jáne Jańa Qazaqstan qurý partiiasy. Memleket basshysy Qasym-Jomart Toqaevqa jáne meniń áriptesterime senim bildirgeni úshin taǵy da alǵysymdy bildiremin", – dedi Qoshanov.
Memleket basshysy Erlan Qoshanovtyń uiymdastyrý qabileti joǵary, tájiribeli ári bilikti azamat ekenin atap ótip, bul ózgerister partiianyń jańarýyna jol ashatynyn aitty.
"Búgingi ózgerister Amanat-tyń zaman talabyna sai jańara túsýine jol ashady. Partiia elimizdi órkendetýge óz úlesin qosa beretini sózsiz", – dedi prezident.
