Buǵan deiin Sarym Nazarbaevanyń mandatyn tapsyratyn kez kelgenin aitqan bolatyn. Elbasynyń qyzy osy jyldyń qańtar aiynan bastap jumysqa kelmei júr. Ol koronavirýs juqtyryp, aýrýhanaǵa tústi. Keiin eńbekaqy tólenbeitin demalysqa ketti.
"Ol jumysqa kelip, fraktsiia otyrysyna qatysýy kerek. Bul máseleni sodan keiin talqylaýǵa bolady. Eger ol partiiany shynymen qurmettese, qandai da bir saiasi sheshim qabyldaýǵa tiis. Olai bolmaǵan jaǵdaida sheshim ol úshin qabyldanady", - dep jaýap berdi Aidos Sarym.
Sondai-aq, parlament múshesi bul máseleni fraktsiia otyrysynda qarastyrýdyń naqty merzimi joq ekenin atap ótti. Nazarbaevanyń demalystan shyǵýyn kútýdi surady. Qazaqstannyń tuńǵysh prezidenti Nursultan Nazarbaevtyń úlken qyzy Dariǵa Nazarbaeva jyl basynan beri parlamentte kórinbedi.
Ol prezident jańa premer-ministrdi tanystyrǵan kezde de, Nurlan Nyǵmatýlinniń ornyna májilistiń jańa spikeri Erlan Qoshanov sailanǵanda da bolmady.
Májilistiń jetinshi shaqyrylymynda Nazarbaeva Ekonomikalyq reforma jáne óńirlik damý komitetiniń múshesi boldy. Komitet basshysy Albert Raý Sputnik Qazaqstanǵa bergen suhbatynda buǵan deiin Dariǵa Nazarbaeva eńbek tártibin buzbaǵanyn jáne tek naqty sebeptermen ǵana jumysta bolmaǵanyn aitty.
