Nazarbaeva: "Qazaq tiline eshqandai qaýip tónip turǵan joq"
Bul týraly qamshy.kz habarlady.
«Kelesi ózekti qoǵamdyq rezonans týdyrǵan taqyryp, iaǵni úsh tildi bilim berýdi engizý. Bul saiasatta kóptegen túsiniksiz nárselerdiń bolýyna bizde de kiná bar. Muny moiyndaimyz», - dedi Dariǵa Nazarbaeva.
Onyń atap ótýinshe, úsh tildi bilim berý kezeń-kezeńmen júzege asyrylady jáne eń aldymen 10-11 synyptarda ǵana tek 2019 jyldan bastalady.
«Osy másele boiynsha áli de túsindirý jumystaryn jastar men oqýshylar, olardyń ata-analary arasynda da júrgizý qajet. Jumysty jandandyrý úshin bizdiń áli de 2 jyldan astam ýaqytymyz bar»,- dedi vitse-premer.
Sondai-aq, ol bul oqytý júiesine kóshken jaǵdaida qazaq tiline eshqandai qaýip tónbeitinin aitady.
«Qazaq tiline eshqandai qaýip tónip turǵan joq. Kerisinshe, tek bir pán qazaq tilinde ótip júrgen orys tildi mektepterde memlekettik tilde bilim berýdi jetildirý josparlanyp otyr. QR Bilim jáne ǵylym ministrligi memlekettik tildi úirenýge baǵyttalǵan jańa ári jeńildetilgen ádistemeni jasap jatyr. Men bilim berýdiń bul ádisi sátti bolatynyna senemin. Pánderdi oqytqanda bizge til nege kerek? Eger ol tildi kúndelikti qoldanbasań, tez umytyp ketesiń», - dedi Dariǵa Nazarbaeva.
