Nazarbaeva qańtar aiynyń sońyna deiin demalysta bolady
"Koronavirýs infektsiiasyn juqtyrǵan Dariǵa Nazarbaeva qańtar aiynyń sońyna deiin ońaltý kýrsynan ótýine bailanysty aqysyz demalysta bolady",– dep habarlady onyń baspasóz hatshysy.
Buǵan deiin Dariǵa Nazarbaevanyń koronavirýs infektsiiasyna shaldyǵyp, úiinde jatqany habarlanǵan bolatyn.
Aita keteri, Dariǵa Nazarbaeva biyl 5 qańtarda bolǵan májilistiń otyrysyna da kelmedi. Keshe prezident Qasym-Jomart Toqaev májilis depýtattaryna jańa premer-ministrdi tanystyryp, óziniń kezekti úndeýin joldaǵan bolatyn. Depýtat Nazarbaeva sol otyrysqa da qatysqan joq.
Májilistiń jetinshi shaqyrylymynda Dariǵa Nazarbaeva Nur Otan partiiasynyń tizimi boiynsha depýtattyq mandatqa ie boldy. Ol ekonomikalyq reforma jáne aimaqtyq damý komitetiniń quramyna kiredi.
Buǵan deiin komitet basshysy Albert Raý Dariǵa Nazarbaevanyń eńbek tártibin buzbaǵanyn jáne jumysqa dáleldi sebeppen kelmei júrgenin aitqan.
