«Nazarbaev Ziiatkerlik mektepteri» kemel bilimniń qainar kózi
– Elbasymyz «Bilim-ǵylym-innovatsiia» atty úshtik ústemdikke baǵyt alýymyz kerek» dep atap ótken bolatyn. Endeshe, bilim berý júiesiniń jańa sapalyq deńgeige ótý qajettiligi arta túsýde. Ońtústigimizdegi innovatsiialyq bilim berýdiń sapasyn arttyrýda ortaq múddelerge birlesip qol jetkizýdi kózdep otyrmyz. Negizgi maqsat – jan-jaqty bilimdi, qabiletti jeke tulǵany, elimizdiń erteńgi tutqasyn berik ustaýǵa daiyn tolyqqandy jetilgen memleketshil, patriot jańa býyn qalyptastyrý, – dedi Janseiit Qanseiituly.
Aita keterligi, Ońtústik Qazaqstan oblysynda pedagog kadrlardy qaita daiarlaýda biyl 17 myń pedagog biliktiligin arttyrǵan. Sondai-aq, oblystaǵy 15 aýdan boiynsha quramyna 352 muǵalim engen mobildi toptar qurylyp, jumys atqarylýda. Al 2018 jyly 2500-dan astam muǵalimdi aǵylshyn tili kýrsynan ótkizý josparlanyp otyr.
Óz kezeginde sóz alǵan «Nazarbaev Ziiatkerlik mektepteri» derbes bilim berý uiymynyń basqarma tóraǵasy Kúlásh Shamshidinova «Jańartylǵan bilim berý ne úshin kerek?» taqyrybynda baiandama jasap, jańa oqytý ádistemeleriniń ózge de mektepterge engizýdiń mańyzdylyǵyn jetkizdi. Sondai-aq, óńirdegi bilim berý uiymdarymen áriptestik tanytatyndyǵyn aitty.
Basqosý sońynda oblys ákimdigi men «Nazarbaev Ziiatkerlik mektepteri» derbes bilim berý uiymy arasynda 2017-2019 jyldarǵa arnalǵan ózara yntymaqtastyq ornatý jóninde memorandýmǵa qol qoiyldy. Bolashaqta memorandým nezinde aimaqtaǵy mektep muǵalimderi «Nazarbaev Ziiatkerlik mektepteriniń» ozyq pedagogikalyq tájiribelerin meńgeretin bolady.
