Nazarbaev Ýniversitetiniń eks-prezidenti Shigeo Katsý dosynyń startapyna 33 million dollar investitsiialaǵan, Alaida investitsiiasy sátsiz bolǵan, dep habarlaidy Dalanews.kz Bes.media-ǵa silteme jasap.
Nazarbaev Ýniversiteti (NÝ) 14% aktsiiasyn satyp alǵan amerikandyq meditsinalyq startap Heartstitch on jyl boiy ýniversitetke birde-bir tsent dividend tólemegen.
Burynǵy prezident Shigeo Katsý bul startapqa 33 million dollar investitsiia salǵanyn Joǵary aýditorlyq palataǵa (JAP) jaqyn derekkózder habarlady. 2024 jyldyń sońynda aiaqtalǵan aýdit qorytyndysy boiynsha, NÝ-dyń keibir qarjylyq salymdary tiimsiz dep tanylǵan.
Aýditorlar ýniversitettiń 2015 jylǵy investitsiialyq sheshimderin qaita qaraý qajettigin atap ótti. 2018-2022 jyldar aralyǵynda Katsý Heartstitch startapynyń aktsiialaryna milliondaǵan dollar quiǵan. Bul kompaniia Shigeo Katsýdyń dosy Entoni Noblsqa tiesili, ol meditsinalyq jabdyq óndirýdi josparlaǵan.
Alaida, JAP esebine sáikes, osy ýaqyt ishinde Nazarbaev Ýniversiteti bul investitsiiadan eshqandai paida kórmegen.
Qyzyǵy, Noblstyń qyzmeti týraly syn materialdar budan da erterek jariialanǵan.
2014 jyly “Professor doktor Entoni Noblstyń qurylýy” atty maqala jaryq kórgen. Bul zertteýde onyń “prestijdi” bilimi men ǵylymi dárejeleriniń shyn máninde onlain mektepterden satyp alynǵany, sondai-aq onyń jobalaryna tartylǵan investitsiialardyń tabys ákelmeitini kórsetilgen.
Katsý bul materialdan habardar boldy ma, joq pa – belgisiz. Biraq ol bul startapqa qarjy quiǵannan keiin ýniversitet eshqandai tabys kórmegen.
Búginde Nazarbaev Ýniversitetiniń bul máselege bailanysty qandai sharalar qabyldaityny belgisiz. Qarjynyń tiimsiz jumsalýy investitsiialyq qatelik pe, álde josparly syzba ma – bul da ashyq suraq kúiinde qalyp otyr.
Alaida, milliondaǵan dollar jumsalǵanymen, Heartstitch ýniversitetke paida ákelmegeni – fakt.
