Nazarbaev: «Tynyshtyq saqtap, kúndelikti jumyspen ainalysamyz»
Ol óziniń Konstitýtsiialyq Keńeske úndeýi óte qarapaiym máseleniń biri ekenin túsindirdi.
– Búginde qoǵamdy sailaý máselesi qyzyqtyrady. Biraq, bul taqyrypqa qatysty jurtty dúrliktirýdiń qajeti joq. Ata zańymyzda, «Qazaqstan Respýblikasynyń Prezidenti týraly» Konstitýtsiialyq zańda sailaý ótkizýdiń tártibi men ýaqyty, ókilettiliktiń aiaqtalý merzimi anyq jazylǵan. Konstitýtsiiaǵa sáikes Prezident kezekten tys sailaý ótkizý jóninde málimdeme jasaýǵa quqyly, biraq ondai jaǵdai bola qoimas. Sondyqtan, tynyshtyq saqtap, kúndelikti jumyspen ainalysa berý kerek, – dedi Nursultan Nazarbaev.
Onyń málimdemesi Aqordadanyń Facebook-tegi paraqshasynda jariialandy.
Budan buryn Nursultan Nazarbaev Konstitýtsiialyq Keńeske Konstitýtsiianyń 42-babynyń 3-tarmaǵyn túsindirý týraly ótinish bildirdi, áńgime memleket basshysynyń ókilettikterin toqtatý sharttary týraly boldy.
– Konstitýtsiialyq Keńeske ótinish bildirýime bailanysty qysqasha jaýap bersem deimin. Konstitýtsiiada prezidentti almastyrý joldary aiqyndalmaǵan, sondai-aq onyń óz erkimen otstavkaǵa ketý jaǵdaiy qarastyrylmaǵan. Mundai normalar álem elderi konstitýtsiialarynyń bárinde bar. Bul aspektilerdiń ózektiligi zor ekenin eskerip, men Konstitýtsiialyq Keńesten osy erejeni túsindirýdi suradym, – dep túsindirdi Nazarbaev.
Ol Konstitýtsiialyq keńeske taǵy da bir ótinish beriletinin aita ketti. Ol ákimshilik jazaǵa tartylǵandardy májbúrli eńbekke jiberý múmkindigin qarastyrýǵa qatysty bolady.
Aita keteiik, 1995 jyly Qazaqstan Respýblikasynyń Konstitýtsiiasyn qabyldaǵan sátten bastap osy kúnge deiin Konstitýtsiialyq Keńeske 220 ótinish, sonyń ishinde Prezidentten 22 ótinish joldanǵan.
