Daniiar Aqyshev baiandamasynda "Delta bank" pen "RBK" bankindegi problemalarǵa toqtaldy.
"Delta bank" qazir litsenziiasynan aiyrylǵan, kredittiń 100 paiyzǵa jýyǵy bank aktsioneriniń baqylaýyndaǵy kompaniialarǵa tiesili bolǵan. Banktiń esebinde bul múlde kórsetilmegen jáne tek tekseris kezinde anyqtaldy. Bul banktiń mindettemeleriniń 60 paiyzyn kvazimemlekettik qurylymdardyń shoty quraǵan. RBK bankinde kreditterdiń 90 paiyzy bank aktsonerleri nemese sonymen bailanysty tórt qaryz alýshyǵa berilgen", — dedi Aqyshev.
Osy kezde prezident Aqyshevti toqtatyp, tóraǵanyń jumysyn synǵa aldy.
"Qashan biz osy iske núkte qoiamyz? Ábliazov bastaǵan BTA bank báriniń kóz aldynda memleket pen halyqtyń aqshasyn jappai urlady. Búkil álem boiynsha biz muny áshkereledik, memeket aqshasyn urlaý ekenin dáleldedik. Al qazir ne? Bank qurdyq, ulttyq kompaniialar, adamdar baryp jatyr.
Endi osy aktsionerler sol jerden aqshany shyǵaryp jatyr, al Ulttyq bank bolsa qarap, syrttan baqylap otyr.
Bul qalai sonda?", — dedi Nazarbaev ashýlanyp,
"Óte durys aitasyz", — dedi Aqyshev.
"Ne óte durys? Sonda qadaǵalaý organy ne úshin qajet? Basqa bankter boiynsha da dál osylai. Qalai ashýlanbaisyń. "Jaman bolady, bankrottyqa jol bermeý kerek" dep aitamyz. Bankrotqa ushyrasyn nemese aqshany qaldyrsyn. Bul aktsionerler eshqaida da ketken joq qoi. Olar aqsha jinap, keiin sony alyp shyǵý úshin bank qurdy. Tapa-tal túste aqsha urlaýdy qalai túsinýge bolady?", — dedi prezident.
Nazarbaev banktiń jaǵdaiyn, aqsha aǵymyn kúni buryn qarap, baqylaýǵa múmkindik beretin zań jobasyn engizgenin aitty.
"Bul problemany túbirimen joiý úshin. Zań jobasyn qaraýdy tezdetýdi suraimyn", — dedi memleket basshysy.
"Kóp rahmet, Nursultan Ábishuly", — dedi Aqyshev.
"Ne rahmet? Sen muny baiaǵyda-aq isteýiń kerek edi", — dep eskertý jasady prezident.
Derekkóz: sputniknews.kz
