Qazaqstan prezidenti Nursultan Nazarbaevtyń jariialaýynsha, ózi taǵaiyndaǵan "iadrolyq qarýsyz álem jáne jahandyq qaýipsizdik úshin" syilyǵyna Iordaniia koroli Abdalla II ie boldy, dep habarlady jergilikti aqparat agenttikteri.
Bul týraly Nazarbaev óziniń rezidentsiiasynda sheteldik elshilerge senim gramotasyn tapsyrý rásimi kezinde jariia etti.
"Iadrolyq qarýsyz álem qurýǵa úles qosqan adamdar úshin arnaiy syilyq taǵaiyndaý qajet dep sheshtim", - dedi Nazarbaev.
"Qazaqparat" agenttiginiń habarlaýynsha, Qazaqstan prezidenti osy syilyq iegerlerin anyqtaityn komissiia qurylatynyn jáne arnaiy syilyq jyl saiyn 29 tamyzda - Semei iadrolyq poligony jabylǵan kúni tabys etiletinin aitty.
Alǵashqy syilyq biyl qarasha aiynda Astanada ótetin iri sammitte tabys etilýi múmkin, dep habarlady BAQ.
