قازاقستان پرەزيدەنتى نۇرسۇلتان نازاربايەۆتىڭ جاريالاۋىنشا، ءوزى تاعايىنداعان "يادرولىق قارۋسىز الەم جانە جاھاندىق قاۋىپسىزدىك ءۇشىن" سىيلىعىنا يوردانيا كورولى ابداللا II يە بولدى، دەپ حابارلادى جەرگىلىكتى اقپارات اگەنتتىكتەرى.
بۇل تۋرالى نازاربايەۆ ءوزىنىڭ رەزيدەنسياسىندا شەتەلدىك ەلشىلەرگە سەنىم گراموتاسىن تاپسىرۋ ءراسىمى كەزىندە جاريا ەتتى.
"يادرولىق قارۋسىز الەم قۇرۋعا ۇلەس قوسقان ادامدار ءۇشىن ارنايى سىيلىق تاعايىنداۋ قاجەت دەپ شەشتىم"، - دەدى نازاربايەۆ.
"قازاقپارات" اگەنتتىگىنىڭ حابارلاۋىنشا، قازاقستان پرەزيدەنتى وسى سىيلىق يەگەرلەرىن انىقتايتىن كوميسسيا قۇرىلاتىنىن جانە ارنايى سىيلىق جىل سايىن 29 تامىزدا - سەمەي يادرولىق پوليگونى جابىلعان كۇنى تابىس ەتىلەتىنىن ايتتى.
العاشقى سىيلىق بيىل قاراشا ايىندا استانادا وتەتىن ءىرى سامميتتە تابىس ەتىلۋى مۇمكىن، دەپ حابارلادى ب ا ق.
