Nur Otan partıasy Saıası keńesiniń keńeıtilgen otyrysynda belsendi azamattardy jumysqa tartý máselesin kóterdi. Onyń aıtýynsha, partıaǵa óte belsendi azamattar, qarapaıym halyqpen jumys isteıtin adamdar kerek. Osy oraıda Nazarbaev Shymkentte bolǵan oqıǵany eske aldy.
"Shymkentte partıanyń týyn julyp tastady. Bul oqıǵa ortalyq keńseniń aldynda boldy. Bireýi de lám-mım degen joq.
Partıa qaıda qarady? Artynan bárin ornyna keltirýge týra keldi. Mine, bári osyndaıda baıqalady.
Partıa, "Nur Otan" deımiz. Biraq typ-tynysh otyramyz. Bir nárseden qorqamyz ba?", - dedi Nazarbaev.
Aıta keteıik, bıyl maýsym aıynda Shymkentte Arys turǵyndary mıtıń jasap, qala kóshelerimen júrip ótti. Sodan keıin Nur Otan partıasynyń keńsesine baryp, bılik ókilderimen kezdesýdi talap etti. Sol kezde bir jas jigit tuǵyrǵa minip, partıanyń týyn julyp tastamaq boldy.
source: sputniknews.kz
https://dalanews.kz/45942
