«Qazaqstan belsendi áleýmettik saıasatty júzege asyrýda. Bul baǵytta kedeıshilik 13 esege tómendetildi, ıaǵnı 40 paıyzdan 3 paıyzǵa deıin. Jumyssyzdyq deńgeıi 5 paıyzdan tómen», - dedi Prezıdent.
Sonymen qatar Memleket basshysy bıyl Qazaqstanda Bes jańa áleýmettik bastamany júzege asyrý jumystary qolǵa alynǵanyn eske salyp ótti.
«Bul bastamalar qoljetimdi baspanamen, sapaly joǵary bilimmen qamtamasyz etýge, shaǵyn jáne orta bıznesti qoldaýǵa, salyq salýdaǵy ádildikke, qorshaǵan ortany jaqsartýǵa baǵyttalǵan. Osy qadamdar el turǵyndarynyń ál-aýqatyn turaqty damytýǵa ári jaqsartýǵa yqpal etedi», - dedi Elbasy.
