«Qazir el-jurttyń búgingi jaǵdaiyna nazar aýdarý kerek. Infliatsiia deńgeii óte joǵary. Halyq kedeilenip barady. Janar-jaǵarmai baǵasy sharyqtap, soliarkanyń litri 450 teńgege jetti. Qarapaiym sharýa qalai kún kóredi?
Ótken bilik kezindegi yǵailar men syǵailardyń jemqorlyq, protektsiia isterinen sabaq alýymyz kerek.
Bolat Nazarbaev esimdi azamat 5 jyl ishinde Qaskeleń, Talǵar, Nur-Sultan qalalarynda kottedj qalashyǵyn jáne ákimshilik ǵimarat pen bazar salýǵa 240 gektar bolatyn 59 jer telimin alǵan degen aqparat bar. Bul kisiniń familiiasyna berilgen qujattar meniń qolymda.
Atalǵan jer telimderiniń baǵasy naryqta júzdegen mln dollar turady. Tsifrlyq damý, innovatsiialar jáne aeroǵarysh ónerkásibi ministrliginiń deregine súiensek, 2 mln azamat 10 sottyq jerdi ala almai telmirip júr.
Bul netken áleýmettik teńsizdik? Konstitýtsiiadaǵy teńdik printsipteri qaida? Osyndai jaǵdai halyqtyń ashýyn týǵyzatyny sózsiz. Mundai buraýdyń mindetti túrde suraýy bolady», - dedi Erlan Sairov.
Ol osy máseleni partiia janynan qurylǵan keńes naqtylaýy kerek ekenin aityp, tapsyrma berdi.
«Keńes apparatyna osy máselemen ainalysýdy tapsyramyn. Bolat Nazarbaevpen qatar, Timýr Qulybaevtyń da Qazaqstannyń ár jerinde iemdenip alǵan jerleri bar. Sony da tekserý kerek»,- dedi Májilis depýtaty.
