Bazel beıbitshilik keńesi Beıbitshilik ǵylymı-zertteý ınstıtýtynyń dırektory Alın Vare Qazaqstan Prezıdenti Nursultan Nazarbaev pen «ATOM» jobasynyń qurmetti elshisi, sýretshi Káripbek Kúıikovti Nobel syılyǵyna usyndy, – dep habarlaıdy QazAqparat.

Bul jaıynda antıadrolyq qozǵalys belsendisi óziniń Feısbýktegi paraqshasynda jazdy. «Aǵymdaǵy jyly men Káripbek Kúıikov pen Prezıdent Nursultan Nazarbaevty ıadrolyq qarýdy joıýdaǵy eren kúsh-jigerleri úshin beıbitshilik salasyndaǵy Nobel syılyǵyna usyndym», – dep jazdy ol.

Alın Vare kórsetken siltemedegi syılyqqa úmitkerler short-paraǵynda Nazarbaev pen Kúıikovti usyný brıtandyq saıasatker Bıll Kıddten túsken. Ótinimde Memleket basshysy Nursultan Nazarbaevtyń Qazaqstan kóshbasshysy retinde 22 jyl boıy ıadrolyq qarýsyzdaný salasynda birqatar mańyzdy bastamalar qabyldaǵandyǵy aıtylǵan.

Prezıdent ıadrolyq qarýdan azat álemge qol jetkizý prosesine yqpal etetin birqatar bastamany qabyldaýdy jalǵastyryp keledi. Al Káripbek Kúıikov jetekshilik etetin «ATOM» jobasy álemdi ıadrolyq qarýdan azat etýge baǵyttalǵan.

Alın Vare  «Parlamentshiler ıadrolyq qarýdy taratpaý jáne qarýsyzdaný úshin» halyqaralyq forýmynyń jahandyq úılestirýishisi. Ótinimniń aǵylshyn tilindegi túpnusqasymen myna jerden tanysýǵa bolady.