“Nursultan Nazarbaev Temirtaý qalasynda jumys istegen kezinen tanımyn. Ol týraly birneshe maqala da jazdym. Nazarbaevtyń Qazaqstan shekarasyn bekitkeni, elimizdiń soltústigine astanany aparǵanyn joqqa shyǵara almaımyz.
Biraq ózi men otbasy, tóńiregi ashkózdik jasady. Nazarbaevtyń Vashıngton, Atatúrik sıaqty tarıhta qalýǵa múmkindik boldy, biraq paıdalana almady. Ol úshin halyqqa emes, ózine renjýi kerek. Sondyqtan halyqtyń betine týra qaraı almaıdy. "Halyq úshin kún-túni uıyqtamadym" dep aıta almaıdy.
Qonaev qyzmetinen bosatylǵan soń ústinen qylmystyq is qozǵamaq bolyp tekserip, eshteńe shyǵara almady.
Qylmysy bolsa Qonaevty qamaıtyn edi. Bul – adaldyqtyń, kirshiksiz tazalyqtyń, elge ǵana qyzmet istegendiktiń belgisi. Qonaevtyń qoly taza boldy.
Ol kisi qyzmetten ketkennen keıin de baryp, sálemdestim. Qarapaıymdyǵy men sypaıylyǵyna, mádenıetine qatty tańǵaldym”, – deıdi Beksultan Nurjekeev.
“Zeınetker Nazarbaevqa barar ma edińiz?” degen suraqqa “qaıda ekenin bilmeımin, Qazaqstannan ketip qalǵan sıaqty. Shaqyrsa barar edim, nege sóılespeske?” dep jaýap beripti jazýshy.
