Astana ákimi Ádilbek Jaqsybekov prezıdent ákimshiliginiń jetekshisi bolyp qaıta taǵaıyndaldy. Bul týraly Aqordanyń Twitter-degi paraqshasynda "Memleket basshysy prezıdent ákimshiliginiń basqarýshy quramyna jańa jetekshi Ádilbek Jaqsybekovti tanystyrdy" delingen habarlamada.

Prezıdent ákimshiliginiń buǵan deıingi jetekshisi Nurlan Nyǵmatýlın búgin parlament májilisiniń depýtaty bolǵan. Ortalyq saılaý komısıasynyń habarlaýynsha, Nyǵmatýlın májiliste ulttyq ekonomıka vıse-mınıstri bolyp taǵaıyndalyp ketken Roman Sklárdiń ornyna depýtat bolǵan.

Ádilbek Jaqsybekov 2004-2008 jyldary prezıdent ákimshiliginiń basshysy bolǵan. Ol Astana qalasynyń ákimi, Qazaqstannyń Reseıdegi elshisi, qorǵanys mınıstri, bıliktegi "Nur Otan" partıasy tóraǵasynyń birinshi orynbasary bolǵan.