Aita ketelik, Astanada Elbasynyń qatysýymen QR Parlamentiniń qos palatasynyń otyrysy ótip jatyr, — dep habarlady Bnews.kz.
«Naýryz — bizdiń Táýelsizdik kúntizbemizdegi erekshe ai. Naýryzda biz bir-birimizge alǵys aitamyz. Osy ýaqytta Qazaqstan halqy assambleiasy da qurylǵan. Bul da kezdeisoqtyq emes. Onyń ústinde bul aida halqymyz Naýryz merekesin toilaidy. Áielder meiramy da bar. Munyń barlyǵy bizdiń halqymyzdyń birligi men birtutastyǵyn nyǵaita túsedi.
Elimizdiń betke alǵan sardarly saiasatynyń arqasynda Táýelsizdik jyldarǵy barlyq qiyn-qystaý kezeńnen qysylmai óttik. Búginderi Qazaqstannyń tórt oblysynda — Almaty, Batys Qazaqstan, Ońtústik Qazaqstan, Jambyl oblystarynda qazaq halqyna taǵzym etetin monýmentter ashyldy. Bul eskertkishterdiń barlyǵy osynda turatyn, qiyn kezeńde baýyrymyzǵa basqan ózge etnostardyń óz erkimen turǵyzyldy», — dedi Nazarbaev.
Elbasy óziniń otbasy da ózge etnostardy qabyldaǵanyn aitty.
«Men úshin bul jái aitylǵan sóz emes, ózim de kýá bolǵam, bizdiń otbasymyz da júk poiyzymen jazyq dalaǵa ákep tastaǵandardy qabyldaǵan bolatyn.
Muny úlken kisiler jaqsy biledi, ol kezdi urpaǵy da bilsin deitin shyǵar. Árine, alǵyz qaitarymsyz bolmaidy.
Bul ózara syilastyqqa ulasyp, halqymyzdy bir, biregei ete túsedi. Alǵys barlyǵyn ósip-óndiredi. Oǵan bek senimdimin. Biz qiyn kezeńderdi birge júrip óttik. Men qiyn-qystaý kezeńde árdaiym qoldaý bildirip, janymnan tabylǵan halqyma sheksiz rizamyn.
Erteńgi kúnimizge senimmen qaraý úshin men jumys istedim, sol úshin jumys istep kelemin, alda jumys istei de beremin
— dedi Elbasy.
