Qazaqstan prezidenti Nursultan Nazarbaev Vashingtonda Eýraziialyq ekonomikalyq odaqtyń «ekonomikalyq joba ǵana» ekenin jáne Keńes Odaǵyn qalpyna keltirýdi kózdemeitinin aitty.
AQSh astanasyndaǵy iadrolyq qaýipsizdik sammitine qatysýǵa kelgen Nazarbaev bul sózderin amerikalyq qoǵam qairatkerlerimen kezdeskende aitty. Nazarbaevtyń sózinshe,«Eýraziialyq aimaq álemdik saiasattaǵy sheshýshi geosaiasi jáne geoekonomikalyq faktor bop tabylady».
— Bul ekonomikalyq odaq (EAEO) taýarlar, qyzmet jáne eńbek resýrstarynyń qozǵalysyna qatysty biryńǵai tártipke ie. Eshqandai KSRO-ny qaita qalpyna keltirý týraly sóz joq. "Qyrǵi-qabaq soǵysynyń" mundai sarqynshaqtarynan arylý kerek. Olar bolashaqqa qaraýǵa kedergi keltiredi. Eýraziialyq ekonomikalyq odaq – bul nebári ekonomikalyq joba ǵana, — dedi Nazarbaev.
Resei basshylyq etetin EAEO quramyna Qazaqstannan bólek, Armeniia, Belarýs jáne Qyrǵyzstan kiredi.
