قازاقستان پرەزيدەنتى نۇرسۇلتان نازاربايەۆ ۆاشينگتوندا ەۋرازيالىق ەكونوميكالىق وداقتىڭ «ەكونوميكالىق جوبا عانا» ەكەنىن جانە كەڭەس وداعىن قالپىنا كەلتىرۋدى كوزدەمەيتىنىن ايتتى.
اقش استاناسىنداعى يادرولىق قاۋىپسىزدىك سامميتىنە قاتىسۋعا كەلگەن نازاربايەۆ بۇل سوزدەرىن امەريكالىق قوعام قايراتكەرلەرىمەن كەزدەسكەندە ايتتى. نازاربايەۆتىڭ سوزىنشە،«ەۋرازيالىق ايماق الەمدىك ساياساتتاعى شەشۋشى گەوساياسي جانە گەوەكونوميكالىق فاكتور بوپ تابىلادى».
— بۇل ەكونوميكالىق وداق (ەاەو) تاۋارلار، قىزمەت جانە ەڭبەك رەسۋرستارىنىڭ قوزعالىسىنا قاتىستى ءبىرىڭعاي تارتىپكە يە. ەشقانداي كسرو-نى قايتا قالپىنا كەلتىرۋ تۋرالى ءسوز جوق. "قىرعي-قاباق سوعىسىنىڭ" مۇنداي سارقىنشاقتارىنان ارىلۋ كەرەك. ولار بولاشاققا قاراۋعا كەدەرگى كەلتىرەدى. ەۋرازيالىق ەكونوميكالىق وداق – بۇل نەبارى ەكونوميكالىق جوبا عانا، — دەدى نازاربايەۆ.
رەسەي باسشىلىق ەتەتىن ەاەو قۇرامىنا قازاقستاننان بولەك، ارمەنيا، بەلارۋس جانە قىرعىزستان كىرەدى.
