Nazarbaev: «Bailyǵymyz keiingi urpaqqa da jetedi»
– Nurlan Noǵaevtyń jasap jatqan jumysyna oń baǵa beremin. Ol basqaratyn ákimshilikterdiń barlyǵy da qolynan kelgenshe sharýany jasap jatyr. Qoldańdar barlyqtaryń, jumysti birge isteitin bolaiyq. Atyraý oblysynyń jaǵdaiy, ómiri barlyq ýaqytta da meniń nazarymda. Bir jaǵynan qiyr batysta jatqan óńirmiz, ekinshi jaǵynan osynsha investorlardy basqaryp, jónge salyp otyratyn adam kerek, – dedi Nursultan Nazarbaev.
Elbasy sheteldik investitsiia, tájiribe men bilim bolmasa, elimizdiń batysyndaǵy kúrdeli ken oryndaryn igere almaityndyǵymyzdy atap ótti.
– Bir jyl janǵan 37-shi uńǵyma bolyp edi ǵoi. Amerikalyqtar kelgenshe búkil Keńes odaǵy bolyp túk istei almady. Bizdiń mynaý quramynyń 20 paiyzy kúkirt ken oryndarynan munaidy qalai alar edik? Bailyǵymyz bar, bizden keiingi urpaqqa da jetetin bolady, – dedi Memleket basshysy.
