Onyń atap ótkenindei zań aldynda azamattardyń bári teń. Odan Nazarbaev áýleti de attap óte almaidy.
"Eks-prezidenttiń sheteldegi kapitaly men dúnie-múlki keri qaitaryla ma?" degen saýalǵa jaýap qatqan Qoshanov:
"Eger qarjy astyrtyn, zańsyz jolmen shyǵarylsa, kim bolsa da zań aldynda jaýap beredi. Ol týysqan ba, týys emes pe, laýazymdy qyzmetker me, onyń bári zańnyń aldynda jaýap beredi jáne zańsyz shyǵarylǵan qarjynyń bári qaitarylady. Alaida, qaitalap aitamyn, onyń óziniń algoritmi bar, bul óte kúrdeli protses", - dedi.
Májilis tóraǵasy jaqynda prezident Toqaevtyń jarlyǵymen shetelge zańsyz shyǵarylǵan kapitaldy qaitarý boiynsha komissiia qurylǵanyn eske saldy. Ol tek prezidentke baǵynady jáne oǵan esep beredi.
"Sondyqtan komissiianyń jumysyn kútý kerek. Árine, ol shetelge ketken aqshany qaitarý ońai jumys emes. Sebebi Qazaqstanda da, shet elde de aqshanyń zańsyz jolmen alynǵany dáleldenýi tiis", - dedi Qoshanov.
Búgin Májiliste "Qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl máseleleri týraly" zań jobasy ekinshi oqylymda maquldandy.
Buǵan deiin Toqaev "ekonomikalyq resýrstardy zańsyz shoǵyrlandyrýǵa qarsy is-qimyl máseleleri jónindegi vedomstvoaralyq komissiia (VAK) qurý týraly" jarlyq shyǵarǵan. Komissiia elden zańsyz shyǵarylǵan aqshany Qazaqstanǵa qaitarýmen ainalysady.
Sondai-aq zańsyz jolmen alynǵan ekonomikalyq resýrstardyń monopoliialyq (oligopoliialyq) shoǵyrlanýyn anyqtaidy.
Ulttyq ekonomika ministri Álibek Qýantyrovatyń málim etkenindei táýelsizdik jyldary ishinde Qazaqstannan, shamamen, 100 mlrd dollar zańsyz shyǵarylǵan.
https://dalanews.kz/sadak/60052-ar-norvegting-shotynda-190-myng-dollar-bar
