Kino jáne teatr akteri, Qazaqstannyń halyq ártisi Tuńǵyshbai Jamanqulov 90-jyldary Áýezov teatryna basshylyq etken kezeńin eske aldy. Óner iesi sol jyldary jas akterlerdi baspanaly etý úshin bar múmkindigin paidalanǵanyn aitty, dep habarlaidy dalanews.kz.
Bul týraly ol "Eń alǵashqy" baǵdarlamasynda baiandady.
Akterdiń sózinshe, 90-jyldar teatr ujymy úshin de, jalpy óner salasy úshin de ońai bolmaǵan. Sol kezde Áýezov teatryna jetekshilik etken Jamanqulov jas ártisterdiń turmystyq jaǵdaiyn jaqsartýǵa kúsh salǵan.
"Sol kezderde Áýezov teatryna basshy bolyp taǵaiyndaldym. 90-jyldar óte bir qiyn kezder edi. Sol kezde men barlyq múmkindikterimdi paidalanyp, Áýezov teatryndaǵy jastarǵa úi alyp berýge bilek sheshe kiristim. Solardyń ishinde Dýlyǵa da bar. Birde bizdiń spektaklge Nursultan Ábishuly Nazarbaev keldi. Bizdiń qoiǵan spektaklimizdi kórip, óte qatty riza boldy da, kórimdik berip ketti. Ol 50 myń dollar bolatyn. Soǵan túgeldei on shaqty páter satyp aldym da, búkil kollektivke bir-bir ailyqtan elbasymyzdyń bergen súiinshisinen syiaqy jasadym", – dep ótkendi eske aldy QR Halyq ártisi Tuńǵyshbai Jamanqulov.
