كينو جەنە تەاتر اكتەرٸ, قازاقستاننىڭ حالىق ەرتٸسٸ تۇڭعىشباي جامانقۇلوۆ 90-جىلدارى ەۋەزوۆ تەاترىنا باسشىلىق ەتكەن كەزەڭٸن ەسكە الدى. ٶنەر يەسٸ سول جىلدارى جاس اكتەرلەردٸ باسپانالى ەتۋ ٷشٸن بار مٷمكٸندٸگٸن پايدالانعانىن ايتتى, دەپ حابارلايدى dalanews.kz.
بۇل تۋرالى ول "ەڭ العاشقى" باعدارلاماسىندا باياندادى.
اكتەردٸڭ سٶزٸنشە, 90-جىلدار تەاتر ۇجىمى ٷشٸن دە, جالپى ٶنەر سالاسى ٷشٸن دە وڭاي بولماعان. سول كەزدە ەۋەزوۆ تەاترىنا جەتەكشٸلٸك ەتكەن جامانقۇلوۆ جاس ەرتٸستەردٸڭ تۇرمىستىق جاعدايىن جاقسارتۋعا كٷش سالعان.
"سول كەزدەردە ەۋەزوۆ تەاترىنا باسشى بولىپ تاعايىندالدىم. 90-جىلدار ٶتە بٸر قيىن كەزدەر ەدٸ. سول كەزدە مەن بارلىق مٷمكٸندٸكتەرٸمدٸ پايدالانىپ, ەۋەزوۆ تەاترىنداعى جاستارعا ٷي الىپ بەرۋگە بٸلەك شەشە كٸرٸستٸم. سولاردىڭ ٸشٸندە دۋلىعا دا بار. بٸردە بٸزدٸڭ سپەكتاكلگە نۇرسۇلتان ەبٸشۇلى نازارباەۆ كەلدٸ. بٸزدٸڭ قويعان سپەكتاكلٸمٸزدٸ كٶرٸپ, ٶتە قاتتى ريزا بولدى دا, كٶرٸمدٸك بەرٸپ كەتتٸ. ول 50 مىڭ دوللار بولاتىن. سوعان تٷگەلدەي ون شاقتى پەتەر ساتىپ الدىم دا, بٷكٸل كوللەكتيۆكە بٸر-بٸر ايلىقتان ەلباسىمىزدىڭ بەرگەن سٷيٸنشٸسٸنەن سىياقى جاسادىم", – دەپ ٶتكەندٸ ەسكە الدى قر حالىق ەرتٸسٸ تۇڭعىشباي جامانقۇلوۆ.
