Quryltai sailaýyna deiin kún jaqyndaǵansaiyn sailaýaldy naýqan da urannan góri naqtyusynystarǵa kóbirek súiene bastady. Keshepartiialar pikirtalasty teleefirden qoǵamnyńnaqty suranysy qalyptasatyn oryndarǵa – óndiris oryndaryna, áleýmettik mekemelergejáne óńirlik jumyspen qamtý ortalyqtarynaalyp shyqty. Al baǵdarlamalar mazmundy árinaqtylana túsken saiyn, partiialar arasyndaǵypikirtalas ta jalpy urandardan góriqarsylastary usynǵan naqty bastamalar mensheshimder tóńireginde órbi bastady.
Minber ornyna zaýyttar: partiialar ónerkásip óńirleriniń qoldaýyna ie bolýǵa umtylýda
Qaraǵandy oblysynda Aibek Dadabai bastaǵan «Ádilet» partiiasynyń delegatsiiasy «Qarmet» AQ eńbek ujymymen kezdesti. Kezdesý barysynda óndiris oryndaryn jańǵyrtý, eńbek qaýipsizdigine baqylaýdy kúsheitý jáne indýstriialyq qalalar úshin bilikti kadrlardaiarlaý máseleleri talqylandy.
Osyǵan uqsas baǵytty Qazaqstan Halyq partiiasy da ustandy. Alaida partiia óndiris ornyna emes, tsifrlyq damý máselesine basymdyq berdi. Batys Qazaqstan oblysynda partiia ókilderi «Azamattarǵa arnalǵan úkimet» memlekettik korporatsiiasy filialynyń ujymymen kezdesip, elektrondyq servisterdi damytý jáne tsifrlyq baqylaý tetikterin jetildirý máselelerin talqylady.
Áleýmettik kún tártibi: qarttar úiinen poshta bólimshesine deiin
JSDP sailaýaldy naýqanyn halyqtyń áleýmettik turǵydan osal toptaryn qoldaý máseleleri tóńireginde jalǵastyrýda. Partiia atynan kandidat Nuriia Baltabaiqyzy Jezqazǵan qalasyndaǵy «Ulytaý Meiirimi» múmkindigi shekteýli jandarǵa arnalǵan qoldaý ortalyǵynda jáne qarttar úiinde boldy.
Óz kezeginde «Aýyl» partiiasy shalǵai eldi mekenderdiń infraqurylymyn damytýǵa basymdyq berdi. Qostanaida partiia tóraǵasy Qairat Aitýǵanov depýtattyqqa kandidattarmen birge «Qazposhta» AQ filialynyń ujymyna partiianyń sailaýaldy baǵdarlamasyn tanystyrdy. Kezdesýde aýyldyq aýmaqtardy qoldaý, jańa jumys oryndaryn qurý jáne jergilikti ózin-ózi basqarýdy damytý máseleleri sóz boldy.
«Baitaq» partiiasy da óziniń ekologiialyq baǵytyn jalǵastyrýda. Partiia kandidaty Vladimir Martel Talǵardaǵy Almaty memlekettik tabiǵi qoryǵynyń qyzmetkerlerimen kezdesip, bioalýantúrliliktisaqtaý jáne erekshe qorǵalatyn tabiǵi aýmaqtardy qorǵaý máselelerin talqylady.
Baǵdarlamalar tartysy: pikirtalas naqty bastamalar tóńiregine oiysty
Keshe ekologiia men ekonomika toǵysqan tusta partiialar arasyndaǵy alǵashqy eleýli pikir qaishylyǵy baiqaldy. Qazaqstan Halyq partiiasy JSDP-nyń ekologiialyq talaptardy buzǵan kásiporyndardyń qyzmetin ýaqytsha toqtatý týraly bastamasyn synǵa aldy. Partiianyń pikirinshe, mundai qadam jalaqynyń keshigýine jáne jumys oryndarynyń qysqarýyna ákelýi múmkin. Onyń ornyna QHP kásiporyndardy memlekettik qoldaý arqyly jańǵyrtyp, ekologiialyq taza tehnologiialardy engizýdi usynady.
Ekonomikalyq baǵyttaǵy pikirtalas ta jalǵasyn tapty. «Aq jol» partiiasy Aqtóbede jas kásipkerlerdi, IT salasynyń jáne bank sektorynyń ókilderin biriktirgen biznes-startaptar forýmyn ótkizdi. Partiia tóraǵasy Daniia Espaeva shaǵyn jáne orta biznesti qoldaýǵa baǵyttalǵan sailaýaldybaǵdarlamanyń negizgi bastamalaryn tanystyrdy.
Alaida dál osy ekonomikalyq usynystar Respublica partiiasynyń synyna ushyrady. Pavlodardaǵy «Qyzyljar-Qus KZ» qus fabrikasynyń ujymymen kezdesýde partiia kandidaty Mahambet Hasenov «Aq joldyń» áleýmettik mańyzy bar azyq-túlik taýarlary baǵasyn memlekettik retteýden shyǵarý týraly bastamasyn táýekeli joǵary sheshim dep baǵalady. Onyń aitýynsha, aldymen otandyq óndiristi kúsheitip, halyqtyń tabysyn arttyrý qajet.
Buǵan jaýap retinde «Aq jol» partiiasynyń ókili Iýrii Li partiia baǵdarlamasyndaǵy azamattardyń jekelegen sanattaryna qatysty salyq salý máseleleri jónindegi ustanymyn túsindirdi.
Bir ereksheligi – dál «Aq jol» men Respublicapartiialary ózara pikirtalasqa ózgelerge qaraǵanda jiirek túsýde. Óitkeni eki partiia da birdei elektoraldyq aýditoriianyń qoldaýyna ie bolýǵa umtylyp jatyr.
Ártúrli kún tártibin biriktiretin ortaq maqsat
Kóterilgen taqyryptardyń aýqymy keń bolǵanyna qaramastan – zaýyttardan bastap tabiǵi qoryqtarǵa deiin – partiialardyń barlyǵy sol kúni qoǵamnyń bir ortaq suranysyna jaýap berýge umtyldy: ózgeristerdiń naqty nátijesin kórsetý. Biri muny tiimdi memlekettik basqarý men berik institýttar arqyly kórse, endi biri áleýmettik qorǵaý men aýyldy damytýǵa basymdyq beredi. Al ózgeleri ekologiiany qorǵaýdy nemese kásipkerlikti damytýǵa qolaily jaǵdai jasaýdy negizgi baǵyt retinde usynady.
