Batys Qazaqstan oblysynyń ákimi Nariman Tóreǵaliev Oral qalasy men Báiterek aýdanynda bilim berý salasyndaǵy birqatar áleýmettik nysandardyń qurylys barysymen tanysty.
Jumys sapary barysynda óńir basshysy mektep infraqurylymyn jańǵyrtý men keńeitýge baǵyttalǵan «Keleshek mektepter» jobasy aiasynda salynyp jatqan nysandardy aralady.
Alǵashqy nysan – Oral qalasyndaǵy №8 orta mektep. Munda jańa oqý korpýsynyń qurylysy qarqyndy júrip jatyr. Ákim qurylys jumystarynyń kestege sai jáne sapaly oryndalýynyń mańyzdylyǵyn atap ótip, jańa mektepter zamanaýi standarttarǵa sai bolýy tiis ekenin jáne oqýshylar men ustazdarǵa barynsha jaily jaǵdai jasalýy kerektigin aitty.
Odan keiin Nariman Tóreǵaliev Báiterek aýdanyna qarasty Baiqonys jáne Dostyq aýyldarynda boldy. Munda 600 jáne 1200 oryndyq zamanaýi mektepter boi kóterýde. Bul nysandar oqýshy sanynyń artýyn eskerip jáne qoldanystaǵy mektepterdiń júktemesin azaitý maqsatynda salynýda.
Sapar qorytyndysynda oblys ákimi merdiger uiymdarǵa qurylys jumystaryn ýaqytyly aiaqtaýdy tapsyrdy jáne jaýapty mekemelerge bul máseleni turaqty baqylaýda ustaýdy júktedi.
– Biz zamanaýi mektepter salý boiynsha aýqymdy baǵdarlamany júzege asyryp jatyrmyz. Bul – óńirdiń bolashaǵyna, balalarymyzdyń sapaly bilim alýyna salynǵan investitsiia. Memleket basshysy Qasym-Jomart Kemeluly Toqaev árbir mektep tek ǵimarat qana emes, bilimniń, shyǵarmashylyqtyń jáne tárbieniń ortalyǵy bolýy tiis ekenin erekshe atap ótedi. Sondyqtan biz jumystardyń sapasyn joǵary deńgeide qamtamasyz etip, oqýshylar men muǵalimder úshin barynsha qolaily jaǵdai jasaýymyz kerek, – dedi óńir basshysy.
