Nartai Dútbaevtyń soty bastaldy
Respýblikalyq áskeri sottyń baspasóz qyzmetiniń málimeti boiynsha, Ulttyq qaýipsizdik komitetiniń burynǵy basshysynyń isi sotta qaralyp jatyr. Is materialdaryna memlekettik qupiia bolǵandyqtan protsess jabyq ótedi.
2017 jyldyń 4 shildesine Ulttyq qaýipsizdik komitetiniń burynǵy basshysy Nartai Dútbaev Dútbaevqa qatysty tergeý aiaqtalyp, is Aqmola garnizonynyń sotyna joldanǵany habarlanǵan bolatyn.
Aita keteiik, Nartai Dútbaev pen istiń ózge figýranttaryna qatysty tergeý qupiia túrde júrdi. Nartai Dútbaevtyń ustalǵany týraly 2016 jyldyń 28 jeltoqsanynda belgili boldy. Ol kezde Ulttyq qaýipsizdik komitetiniń ókilderi burynǵy basshyǵa qatysty tergeý júrip jatqanyn málimdegen.
Nartai Dútbaev, Nurlan Hasenov jáne Erlan Nurtaev "Memlekettik qupiiany jariia etý" jáne "Bilik pen qyzmettik ókildigin asyra paidalaný" degen kúdikpen ustalǵan bolatyn. Kúdiktiler UQK-niń tergeý abaqtysyna qamalǵan edi. Eske salaiyq, Nartai Dútbaev Ulttyq qaýipsizdik komitetin 2001 jyldyń jeltoqsanynan 2006 jyldyń aqpanynan deiin basqarǵan bolatyn.
