رەسپۋبليكالىق اسكەري سوتتىڭ باسپا ءسوز قىزمەتىنىڭ مالىمەتى بويىنشا، ۇلتتىق قاۋىپسىزدىك كوميتەتىنىڭ بۇرىنعى باسشىسىنىڭ ءىسى سوتتا قارالىپ جاتىر. ءىس ماتەريالدارىنا مەملەكەتتىك قۇپيا بولعاندىقتان پروسەسس جابىق وتەدى.
2017 جىلدىڭ 4 شىلدەسىنە ۇلتتىق قاۋىپسىزدىك كوميتەتىنىڭ بۇرىنعى باسشىسى نارتاي دۇتبايەۆ دۇتبايەۆقا قاتىستى تەرگەۋ اياقتالىپ، ءىس اقمولا گارنيزونىنىڭ سوتىنا جولدانعانى حابارلانعان بولاتىن.
ايتا كەتەيىك، نارتاي دۇتبايەۆ پەن ءىستىڭ وزگە فيگۋرانتتارىنا قاتىستى تەرگەۋ قۇپيا تۇردە ءجۇردى. نارتاي دۇتبايەۆتىڭ ۇستالعانى تۋرالى 2016 جىلدىڭ 28 جەلتوقسانىندا بەلگىلى بولدى. ول كەزدە ۇلتتىق قاۋىپسىزدىك كوميتەتىنىڭ وكىلدەرى بۇرىنعى باسشىعا قاتىستى تەرگەۋ ءجۇرىپ جاتقانىن مالىمدەگەن.
نارتاي دۇتبايەۆ، نۇرلان حاسەنوۆ جانە ەرلان نۇرتايەۆ "مەملەكەتتىك قۇپيانى جاريا ەتۋ" جانە "بيلىك پەن قىزمەتتىك وكىلدىگىن اسىرا پايدالانۋ" دەگەن كۇدىكپەن ۇستالعان بولاتىن. كۇدىكتىلەر ۇقك-نىڭ تەرگەۋ اباقتىسىنا قامالعان ەدى. ەسكە سالايىق، نارتاي دۇتبايەۆ ۇلتتىق قاۋىپسىزدىك كوميتەتىن 2001 جىلدىڭ جەلتوقسانىنان 2006 جىلدىڭ اقپانىنان دەيىن باسقارعان بولاتىن.
